عندك حساسية فى الجيوب الأنفية ومش عارفة تعملي إيه ؟ تعالى وأنا أقولك
شوفوا ياجماعة أنا عانيت من الموضوع ده جدا..لكن الحمد لله بقيت أحسن دلوقت.. وذهبت لأطباء كتير..وأخذت أدوية وبخاخة وفى النهاية اضطررت أن أعمل عملية وقلت هارتاح بعدها .. لكن بعد العملية فضلت أتعذب لمدة ثلاث أشهر وعرفت أن مشكلتى الحقيقية هى أنى عندى حساسية.. ولازم يكون فيه متابعة ولازم أروح للدكتور فى الربيع وقبل الربيع وساعات فى الخريف ..للأسف كتير من الدكاترة مش بيعترفوا بموضوع الأعشاب ده .. اللى بيفهموه حاجة واحدة ..كله أدوية حتى لو الشخص هيدور فى حلقة مفرغة ..المهم سمعت من دكتور عادل على زيت النعناع وبدأت استعمله واتحسنت عليه شوية .لكن برضه كنت بتعب تانى ..خصوصا لما أكون فى جو مترب ورغم أنى قرأت فى كتاب أعشاب عن شمع العسل لكن مأخذ تش الموضع مأخذ الجد لكن بعد السبع دوخات قلت أجربه .. وعرفت الطريقة من دكتور بالصدفة بيعالج بيه كمان على النت .. وهى أنك تجيبى شمع العسل وتقطعى سبع قطع وتحطيهم فى كيس وكل ما تمضغي واحد ة وتحسى أنها بقت مش متماسكة أرميها وحاولى تمضغى قطعة أخرى..لازم تأخذى السبع قطع على مدار اليوم ولوحسيت أن لثتك تعبت استمرى .. السر فى الطريقة دى أنها بتعود الجسم على حبوب اللقاح اللي بتسبب له الحساسية فى منطقة الأنف.. هتشعرى أنك أحسن بعد ثلاث أيام لكن لازم تستمرى برضه لمدة اسبوع ..بعد كده واصلي لأسبوع تانى علشان ميحصلش انتكاسة .. وانشاء الله هتكونى أحسن من الأول بكتير .. فيه حاجة تانية مهمة .. وهى أن يكون هناك نظافة أول بأول من التراب فى منطقة الأنف خصوصا مع الوضوء.. استنشقى بعمق بحيث يدخل الماء إلى الداخل وينظفه من التراب اللى بهيج الأغشية اللى جوه
الثلاثاء مايو 03, 2011 4:02 pm
