نكــــــــــــــــــــــــــــــــت

صعيدى راح سرق مليون جنيه و دفنهم ف حفرة و كتب عليها مافيش فلوس هنا راححمدان ابن عمه أخد الفلوس و كتب ع الحفرة حمدان مأخدش حاجه

مساطيل بيكتبوا محاضرة ورا الدكتور :كل مايمسح الدتكور السبورة يقطعوا الورقة

لعب ريال مدريد ضد فريق صعيدى المدرب الصعيدى قال
للاعبينه خمسه يمسكو رونالدو والباقى ينتشرو فى الملعب,الشوط الاول
خلص خمسه صفر لريال مدريد جابهم هريدى فى نفسه,
المدرب قالهم الشوط الثانى تسعه يمسكو هريدى
والبافى ينتشرو فى الملعب

مرة اتنين محششين فالاول بيقول للتانى مراتك حيه قاله لآ عقرب قاله لآ اقصد عايشه قاله لآ خديجه

واحد كسلان قوى راح للحلاق وقعد على الكرسى ونزل راسه الحلاق قاله شعر ولا دقن قاله دقن الحلاق قاله طيب ارفع راسك قاله خلاص خليها شعر

مره واحد صعيدى ضربوه بالشومه بعد تلات ايام جاله صداع

واحد كان ماشى فى حته مقطوعه فدخل عند راجل ومراته ساكنين فى غرفه صغيرة
فطبخوله اكل فراخ و رز ولحمه وجبنه
المهم اخينا دا ساب كله ومسك فى الجبنه تخلص ويجيبوله تانى
المهم كانوا كرام اوى معاه والراجل حلف انه يبات عندهم
الضيف قاله ازاى ده مفيش غبر اوده وسرير واحد
الراجل قاله ياعم الدار امان هانام احنا التلاته على السرير
المهم ناموا,,بعد 4 ساعات اخينا راح غامز الست,,و بيقولها بشويش ,جوزك نام؟,,قالتله,,مممم لسه
شوية كدة راح غامزها تانى
ها جوزك نام؟
راحت مبتسمه بشويش و هزة دماغها وقالتله ايوه نام
راح اخينا مقرب منها وقايلها بشويش,,, طب قومى هاتيلي حته جبنه

صعيدي ضاع منو مفتاح عربيتوا جم اصحابو فتحوا باب العربيه بالسلك ...راح عامل من السلك 6 نسخ

[b]واحد في الامتحان مش عارف يحل والامتحان كله صح و غلط، راح مطلع بريزه ولعب ملك وكتابة خلص الامتحان في نص ساعة،وراح مطلع البريزة تاني علشان يراجع[/b]

بخيل بيكلم خطبته قالتلو رصيدى خلص كلمنى انت بقه قالها احنا وصلنا لطريق مسدود ولازم نفترق

. محشش فتح كوفي شوب في الصين سماه 'فن جن شاي'

واحد صعيدى حب يصطاد ارنب قلد صوت الجزر

مره خدامه فلبينيه وهى بتنضف لاقيت فانوس علاء الدين دعكتو طلع العفريت وراح قعد على كرسى الانتريه فراحت وراه وقالتلو انت مش هتقولى تطلبى ايه قلها حتى انتى كمان هتطلبى اجرى يابت نضفى الفانوس

مره واحد صعيدى راح محل اجهزه كهربيه وسئل الراجل قالو بكام التليفزيون ده الراجل قالو احنا مش بنبيع للصعايده راح الصعيدى لبس تيشرت و كاب وغير من شكله و سئل الراجل بكام التلفيزيون ده الراجل قالو انا قولتلك احنا مش بنبيع للصعايده الصعيدى قالو طيب انت عرفت انى صعيدى ازاى قالو عشان دى غساله مش تليفزيون

مره واحد بخيل اتجوز واحده بخيله لما خلفو عيل حطوه فى البنك

مره واحد رجع البيت لمراته وهوا بينهج, قالتله مالك, قال لها أصل أنا كنت باجري

وارا الأوتوبيس علشان نوفر الخامسين قرش بتوع الأوتوبيس, قالتله ياريتك جريت
وارا تاكسي ووافرتلنا خمسة جنيه

واحد بخيل راح للفكهاني .. قال له شوف لنا حاجه ناخدها معانا لواحد عيان ،
الفكهاني قال له عندك مانجه أهه بعشرين جنيه الكيلو ، قال له لا ياراجل أصله مش
عيان قوي كده

كان في واحد صعيدي راح يتاجر .أشترى جلابية بخمسة جنية وباعها بعشرة جنية وراح لابن عمة وقاله يابن عمي انا بقيت تاجر كبير قالة :ازاي قال:اشتريت جلابية بخمسة جنية وبعتها بعشرة جنية قالة:فين العشرة جنية قال:في الجلابية

محشش ماشى فى الشارع لاقه 100 جنيه جديده راح بص يمين و شمال ملاقاش حد قام حاطط ايده فى جيبه وطلع 100 جنيه قديمه وبدلها بالجديده

واحده بتقول لزوجها قوم يارجل فى حرامى فوق العريشه

قالها نامى يابنت المخبوله هو لو فيه حرامى هيقف فوق العريشه علشان تقع بيه

الحرامى سمعه ، فقال كده هقع قام ماشى على السور فراح واقع

الراجل بيقول مين؟

قاله انا يابو شوره زفت

اتنين كسلانين اوى جالهم واحد قالهم عندى شغلانة كويسة وبالف جنيه بالشهر تشتغلو

قالو ماشى بس هنعمل ايه

قالهم تاكلو وتنامو .وتصحو تاكلو وتنامو .وتصحو تاكلو وتنامو صرخو فى الراجل
حرام عليك مفيش يوم اجازة

زوجه خوافه قوي كل يوم وهيه نايمة جنب جوزها تقول له :الحق يا عبده أنا سامعه صوت... في حرامى فى البيت
جوزها تعب قوي مش عارف ينام وكل يوم على كده قام قلها: ياستى ماتخافيش الحرامى لما بيروح يسرق ما بيعملش صوت.
تاني يوم صحته من النوم: الحق يا عبده أنا مش سامعه صوت اكيد فى حرامى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

دعيني أنحي قلمي قليلا

أقف أحتراما لكِ

ولقلمك

وأشد على يديك لهذا الابداع
ا
لذي هز أركان المكان

واضع لكي باقة وردي لشخصك

أج ــمل وأرق باقات ورودى

لردك الجميل ومرورك العطر