قلت له جوالك سوا انت؟ قال ايه قلت الحركه هذي ما تصلح الا لـ موبايلي << أقرب مخرج
بس حجرلي قال لحظه ابجيب جوال أخوي معه موبايلي .. قلت لآلآ أصلا هي ما تصلح الا ع الكشاف وأنا أصلا نسيت الحركة ..اذا عرفتها علمتك .
وندخل المسجد ونصلي .. يوم طلعنا من الصلآة قالي خآوني للبقالة قلت تباشر علي ؟ قال معي ريال لك نص ولي نص << فدييت التضحيه يا شيييخ والله بغيت أهون عن المقلب بس الشيطآن لعب لعبآته ورجع شريط الذكريات يوم يمقلبي ..
عآد قلت له لآلآ أنا عندي إختبار ابروح اذاكر رح اشتر وخذ عطيته 5ريال وقلت أنتبه للسيارات .. الموهم رآح يوم شفته أبعد قمت وأتصلت على جواله .. وقلدت صوت رجآل كبير
قلت السلآم عليكم .. قال السلآم عليكم << رد الصغار
قلت أخوي الرقم هذا حقي وين أبوك ؟ قال أبوي نآيم وبعدين هذا جوآلي أبوي شرآه لي.. قلت له أقول لو ما تعطيني الرقم ترا بجييك في البقالة وأبقتلك << أهو انلحس شوي وسكت .. كيف درآ اني في البقالة قآل أنا اصلا في بيتنا .. << نصآآب هههه
قلت له ترآني اعرف عنك كل شي .. أسمك عبد الله الفلآني .. بيكم في حي الفلآني .. وأنت الحين في بقآلة الحآرثي ولآبس رصاصي .. صح ولآ لا؟؟ << طقته أم الركب
قال نصااب انا في بيتنا وأصلا اسمي أوب عبد الله .. << معآندي ومسوي نفسه ما خآف وقلبه في سآمري مستنزل قلت انت يبيلك تأديب خلك في البقالة الحين أجي وأخطفك وأوديك للبر وأقتلك .. << عطآني احمر
وأتصل مره ثانيه مقفل الجوال هههههههههه
شوي وانا جآلس عند الباب الا وأشوف ذاك المقققللع جآي من البقالة .. ومسوي حركآت أول << مآسك نعآله في يدينه وشآق الشعيب .. يوم قلت له عبوودي ورآك تركض وش فيك؟ قال لآلآ بس نسيت فلوسي بالبيت << نسآ اني معطيه خمسة ريال بس ما بغيت أحجرله قلت أها ورآح سرييع ودخل البيت وانا فآطس عليه ضحك
الموهم الكلآم هذا العصر .. يوم جآ المغرب مآ طلع يصلي ههههههه
وجآ العشاء أدوره يآ ولد وينه ذا
المووهم يوم جآ اليوم وأشوفه بصلآة المغرب قلت له وين جوآلك تراني عرفت الحركه اللي تزود الرصيد .. قالي لآ خلآص مابي عطيت جوالي أبوي مابيه.. قلت ليييش؟
قال بس كذا ..
قلت له بس كذا ولآ عشان رآعي الرقم ؟؟ هههههههههههههههههههههههه
يوم نآظرني قال تعرفه؟ قلت ايه جا وقالي فيه بزر اسمه فلآن الفلآني وين بيتهم ؟ قال أحلف ؟؟
قلت أحمد ربك صرفته قلت نقلوا .. قال كفوو والله .. وقآل لحظه ابروح أجيب جوالي قلت هآه وين اللي ما يبيه ههههههههههههه
يوم جآب جوآله واتصل عليه وهو جنبي وقلت له بتعطيني الرقم ولآ وشلون ؟ يوم التفت علي وعرف انه مقلب هههههههههههههههههههههههه
قلت له لآ تمقلبي . عشان ما امقلبك .. ترا هذي مقلب خفيف على قدك يعني
قال والله بغيت ابيع جوآلي بس هين أوريك .. قلت لآ توريني ولآ اوريك انت مقلبت بي وأنا مقلبت بك .. خلآص الحين خلنا اصدقا خلآص؟ قال خلآص ؟؟ وسوينا تحآلف وإتفاق ( شبك أصبعه الصغير مع اصبعي الصغير) وبس توني ارتآح من اسبوع هع
غاده
ADMIN
وسام المشاركات :
الهوايه :
المهنه :
البلد :
المزاج :
الجنس : نقاط : 29180 الابراج : تاريخ الميلاد : 09/02/1980 العمر : 44
الخميس أبريل 21, 2011 5:20 pm
