موضوع: قصـة فيصل و نوره الأربعاء أبريل 06, 2011 1:05 am
بسم الله الرحمن الرحيم
السلام عليكم ورحمة الله وبركاته
نويت اني اكتب قصه
اتمنى تعجبكم وراح انزلها على شكل اجزاء
ندخل بالتفاصيل
شخصيات القصه عائلة بو خالد بو خالد + ام خالد خالد (20 سنه) الولد الكبير في العائله وملتزم وقلبه طيب .. نوره (18 سنه) البنت الوسطى ودلوعة البيت حلوة وملامحها طفوليه وناعمه ورومانسيه .. عادل (16 سنه) اخر العنقود ويدرس باول ثانوي ومشاغب نقدر نقول بداية مرحلة المراهقه .. ------------------------------------- صديقات نوره مها (18 سنه) صديقة نوره الروح بالروح مثل اختها اللي ماولدتها امها وتعرف كل اسرارها ودايم مع بعض .. خلود (18 سنه) صديقة نوره الثانيه ولكنها اقل درجة من مها .. هديل (18 سنه) صديقة نوره الثالثه وعاقله وهاديه مره .. ------------------------------------- عائلة بو عبد الله بو عبد الله + ام عبد الله عبد الله (29 سنه) الولد الكبير في العائله كمل دراسته برا وتخرج ويتمنى يتزوج من دكتورة .. سلمى ( 25 سنه) مطلقه وعندها بنتين (ربى ونهى) بنتها ربى تدرس بصف اول ابتدائي ونهى تدرس بصف رابع ابتدائي .. فيصل (19 سنه) مدلل العائله وشاطر في دراسته لكنه متكاسل ورومانسي وكل طلباته مجابه .. ريم (18 سنه) حلوة ومجتهده في دراستها وعاقله .. العنود ( 7 سنوات) دلوعة البيت وصغرهم ودايم تلعب مع ربى ونهى وهم بالمدرسه مع بعض ..
-------------------------------------- عائلة بو خالد صغيره اللي هم خالد ونوره وعادل وام خالد نورة حبيبة ابوها ابوها يحبها بشكل مو طبيعي هذا مايمنع انه مايحب اخوانها خالد وعادل لكن احتمال لانها بنته الوحيده .. بو خالد يشتغل وراتبه زين ومكفيهم وزياده وام خالد القلب الحنون كل طيبة الدنيا بقلبها تحب عيالها وزوجها وتحاول تسعدهم بقدر الامكان لكنها مريضه بالقلب وهذا هو السبب اللي منعها انها تجيب خوات لنوره
في يوم من الايام طلعت الشمس وقرب الظهر قامت نوره من نومها وكلها تعب وارهاق من ليلة امس (سهر وضحك ولعب) مع اخوها عادل قامت نوره وهي تحس بكسل راحت تغسل وجهاا وطلعت للصاله لقت امها وابوها واخوها قاعدين يفطرون راحت تفطر معهم ام خالد : صباح الخير على بنتي الحلوه تو الناس ( وفي وجهها ضحكه خفيفه) بو خالد : معذوره سهرانه البارح لنص الليل مع عادل ام خالد : ليش يمه تسهرون خلاص المفروض تعدلون نومكم المدرسه قربت والاجازه قربت تخلص نوره: يوووووووه يمه تكفين لاتجيبين طاري هالعله المدرسه ترى بصيييييييح خالد : تكفين يالدلوعه اقول متى بس تروحين تشرين مقاضي المدرسه ؟؟ (وعلى وجهه ضحكه شريرة) بو خالد [ندعوك للتسجيل في المنتدى أو التعريف بنفسك لمعاينة هذا الرابط]وهو يضحك) خلاص خالد اليوم انا وانت العصر ناخذهم ونخليهم يقضون للمدرسه (خالد للاسف مادخل الجامعه لان نسبتة ماكانت تساعد لكنه درس دورات بمعهد الكمبيوتر واخذ دبلوم والحين يدور على وظيفه) نوره : يمــــــه شوووفي خالد ( وجهها حزين ) (دخل عادل وهو بعد شكله ارهاق وكسلان من سهر البارح ) ام خالد : هلا والله بالتعبان الثاني (نوره تطالع فيه وتضحك) عادل : وش عليه تضحكين انتي ؟ يكفي البارح فايز عليك بالبلاي ستيشن خمس مرات ولك عين تضحكين بعد ( طبعا كلام عادل العكس وهو مقهورمن نوره لانها هي اللي دايم تفوز عليه ) بو خالد : يالله صباح خير اقعد يبه عادل افطر اليوم العصر بنروح نقضي للمدرسه خلاص مابقى غير اسبووع (عادل وهو يقعد على الكرسي) ليش يبه تونا بدري ليش ضيقة الصدر ؟؟ ام خالد : افطر ياوليدي وش بدريه الله يهداك انت لازم تعدل نومك عادل : يمه ليش انا بالذات اعدل نومي وش معنى نوره ماتعدل نومها ؟ خالد : نوره كبيره وتعرف متى تنام ومتى تقوم انت اللي مسهرها البارح معك نوره ( بابتسامه عريضه ) صح عليك خلووودي
(ويجي العصر ويروحون للسوق ويقضون للمدرسه شناط ودفاتر واقلام ..الخ ) جاء الليل وبو خالد في شغله وخالد نايم وام خالد تحاول في عادل انه ينام بدري ام خالد : ياولدي عادل خلاص الحين الساعه 11 بالليل لازم تنام عشان اقومك بدري ويتعدل نومك يمه عادل : مابي يمه تونا على المدرسه مدري انتم وش محببكم فيها ام خالد : والله ياعادل سواء حبيتها او لا هذي اللي بترفعك وبتنزلك بين الناس الحين الشهاده هي اللي يشوفونها عادل : خلاص يمه انام اليوم بس عندي شرط ام خالد : وشو شرطك يمه ؟ عادل : اسهر بكرا ام خالد( وابتسامه خفيفه) خلاص ان شاء الله ( طبعا ام خالد عارفه انها اذا قومت عادل بدري بيغلبه النوم وبينام)
نوره بغرفتها تفكر ياللـــــــه المدرسه قربت ياسرع الايام مسرع مرت لازم اكلم صديقتي مها اشوف وش صار عليها بالاجازه واشوف هي بتداوم السبت والا لا .. (تمسك الجوال وتتصل على مها ) نوره: الو السلام عليكم سهى : هلا وعليكم السلام نوره : هلاوالله سهى معي ؟ سهى: ايه نعم انا سهى انتي نوره صح ؟ نوره : ايه انا نوره هلا والله بسهى شلونك وش اخبارك وشلون الاجازه معكم اكيد اختك مهووي فرحانه عشان المدرسه الاسبوع الجاي سهى : الحمد لله والله بخير ابشرك مهووي بتطير من الفرح وشرت كل اغراض المدرسه وشرهااانه عليك مره عشانك ماتصلتي عليها ابد في الاجازه نوره (وجه متفشل) لاوش دعوة تزعل مني مهووي هي تدري اني كنت مسافره وانشغلت وهالحين اتصلت سهى [ندعوك للتسجيل في المنتدى أو التعريف بنفسك لمعاينة هذا الرابط]ضحكه خفيفه) الحمد لله على سلامتك يانوره اعطيك مهى الحين ماطول عليك مهى : الـــــووووووو نوره : وجعه فجعتيني هلااا بالزعووله مهى : اي زعوله لايكون تقصديني نوره : لاسلامتك الحين انتي ووجهك تدرين اني مسافره وتقومين تشرهين ؟؟ مهى :الحمد لله على سلامتك وش اسوي اشتقتلك نووواره نوره : انا بعد مشتاقتلكم كلكم مهى : هاه وشلون دبي ؟ ان شاء الله استانستي فيها ؟ نوره : والله تهبــــل يامهوووي تجنن مره انبسطت فيها لكن عيبها واحد ان جوها شين مهى : زييين صورتيلي هناك وجبتيلي الهدايا اكيد ؟ نوره : (ضحكه) ياحبك للهدايا ايه اكيد صورتلك وجبتلك هدايا وش كثرها .. المهم انتي جايه السبت والا ؟ مهى: ايـــــــه اكيــــد متحمسسسسه مررره( مع ضحكه لانها تعرف ان نوره ماتطيق شيء اسمه مدرسه ) نوره: اخ بس لو يمددون الاجازه كان اطير من الوناسه مهى : فال الله ولافالك ياحبني للمدرسه (ضحكه) نوره : مالت عليك يالمطفوقه خلاص يعني اشوفك السبت بالمدرسه مهى : ايه ان شاء الله تعالي بدري ورانا بنات نسلم عليهم وحوسه نوره : زين زين اشوفك على خير بااي (وتقعد نوره تقرا قصه من قصصها اللي تحبها عن الحب والرومانسيه لين ماتغمض عيونها وتنام ) يمــر الاسبوع بسرعه ونوره وعادل كل يوم يمر يشيلون هم اكبر من اللي قبله عادل عادي عنده يحب المدرسه وشاطر فيها لكن كره اخته نوره لها اثر عليه ..
في صباح يوم السبت ام خالد تطق الباب على نوره ام خالد : يمه نوره قومي الساعه صارت 6 الصبح وانتي مابعد افطرتي ولالبستي نوره( وهي تكلم بشوويش وصوتها يغطيه النوم ) هاه يمـه ماني رايحه اليوم ام خالد : تونا على الغياب يمه تاخرتي والحين انتي اخر سنه مافيها لعب نوره : ان شاء الله يمه ان شاء الله (عادل قام من النوم بدري قبل امه وابوه فرحان ولابس وقاعد يفطر مع ابوه) نوره تطلع من غرفتها وتشوف ابوها واخوها عادل ( عادل يطالعها بضحكه شريره) بوخالد : هلاوالله ببنتي نوره وش فيك يمه ماقمتي بدري هذا عادل ماشاء الله عليه قام بدري وقومنا انا وامك معه بدري نوره : ايه هين عادل يقوم بدري عادل ( وهو يفطر) اقول نواره تعالي افطري بسرعه ترى الحين ابوي بيودينا مانبي نتاخر التاخير ماهو بزين نوره : وهي مقهوره من عادل يبه انا مابي افطر بروح البس ملابس المدرسه وانتظركم في الصاله بو خالد : ان شاء الله يالله ياولدي عادل خلص فطورك بسرعه عشان نروح (وداهم ابوهم المدرسه وراح لشغله) نوره اول ماشافت صديقاتها فرحت وسلمت عليهم وراحت ضيقة الصدر عنها واول يوم فلوها وناسه وضحك رجعت نوره للبيت تعبانه حدها
مرت الايام والاسابيع ..
leena
مديرة المنتدى
وسام المشاركات :
الهوايه :
المهنه :
البلد :
المزاج :
الجنس : نقاط : 2147489101
بطاقة الشخصية : :
:
موضوع: رد: قصـة فيصل و نوره الأربعاء أبريل 06, 2011 2:27 am
الأربعاء أبريل 06, 2011 1:05 am
