مهـــا الناصــــــر... كذبة فصدقها الجميع ..؟؟

[center][ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

هالموضوع آهداء للعضو المدلل الآميرهـ المنسيهـ [ندعوك للتسجيل في المنتدى أو التعريف بنفسك لمعاينة هذا الرابط] ....

[ندعوك للتسجيل في المنتدى أو التعريف بنفسك لمعاينة هذا الرابط]

مهـــا الناصــــــر... كذبة فصدقها الجميع ..؟؟

هذا هو عنوانها مثل ما شفتوهـ فوق ... بس آنا وجهة نظري آنها قصهـ مؤثرهـ و يمكن تكون حاصلهـ فعلاً
سواءً مع صاحبة القصهـ آو في الواقع ...
القصه هـآدفة لأبعد درجهـ .. أتمنى لكم الإستفآده منهآ ..

قصتي غريبه واحداثها اغرب حدثت وقدرها الله عزوجل عليا قبل أن أخلق ...
ولا اقول إلا اللهم لك الحمد كما ينبغي لجلال وجهك وعظيم سلطانك على كل حال
قصتي ماكتبتها ولا في اي منتدى وهذا أول منتدى أكتبها فيه ترددت كثير قبل اكتبها بس فكرت بكتابتها
خير كثير وربما تكون عظة وعبره لكثير وربما اختارني الله عزوجل يحصل ليا كذا حتى اوقض كثير سبحان
الله كل قضاء يقضيه الله عزوجل اكيد خير ....
قصتي لعبت فيه العاطفه دور كبير فأنا من الناس اللي اتأثر واتعاطف بسرعه وبدون تفكير.....
عموما راح تفهموا قصدي من خلال الاحداث اللي صارت ليا ومعليش طولت عليكم """"

[ندعوك للتسجيل في المنتدى أو التعريف بنفسك لمعاينة هذا الرابط]

البدايه الفعليه للقصه كنت في يوم اتابع شريط لقناة محافظة جدا لفت نظري لقب بنت لقبت نفسها
بـ (مها الناصر) و وحده ثانيه معاها بلقب (الباسقة) وثالثه بلقب (جئت كما أنا) كانت الباسقة و جئت
يودعوا مهاالناصر بحزن ويقولوا إذا سافرتي للخارج لاتنسي مصحفك وبعض الكتب المفيده والثانيه تقولها
بإذن الله عمليتك ببسيطه وترجعي بالسلامه.....فهمت بعد ما ارسلت مها الناصر لشريط وتطلب السماح
من البنات انها حتسافر لعمليه بسبب حادث حصل لها فقدت فيه اخواتها وبقيت هي بكسور وتحتاج لعمليا
ت وارسلت ابيات حزينه جدا اذكر بعض كلماتها تقول
أدنى الشفاء يا مها ؟ ام القبور تنادي
تأثروا كل بنات الشريط والكل ارسل يدعيلها ويصبرها
ودعتنا مها و ودعت صديقاتها جئت و الباسقة بكل حزن و ألم

وغابت مها عن الشريط وبغيابها غاب فكري معاها كان بالي مشغول عليها جدا..ودعيت الله عزوجل
أن يشفيها ويلبسها لباس الصحة والعافية ويسهل عمليتها..
كنت أتمنى يطلع أي أحد ويطمنا عليها وكان كثير بنات يسألوا عنها ...بس ماكان فيه أي جواب .
أستمر غيابها تقريبن شهر..وفي يوم وأنا أتابع الشريط كعادتي ومع روتين الشريط المتكرر .. هذي تطلب
خلطه لنفخ الخدود عشان عندهم زواج .. وهذي تحكي مشكلتها مع زوجها وتطلب من بنات الشريط
[ندعوك للتسجيل في المنتدى أو التعريف بنفسك لمعاينة هذا الرابط]

مساعدتها وووو...... وانا اتابع رد هذي على هذيك فجأة أقرأ
( مها الناصر تقوووول ) :
أطوف بكسر الصدري التمس الشفاء
وحلقي ملوي وظهري أحدب
مشوهة معيبة يائسة .. أتشفى مها ؟
هيهات فالنجم أقرب .
اتفاجئت بالمره مها رجعت!!!
مشاعر مختلطه فرح برجوعها وحزن على الابيات الحزينه اللي كاتبتها ..
تفاعلوا كل بنات الشريط
اللي ترسلها تحمد الله على سلامتها
واللي تقولها مانسيتك ابدا من دعائي
وطلعوا صديقاتها 0(الباسقة و جئت كما أنا) سلموا وعبروا عن فرحهم برجوعها بطريقتهم
قالتلهم مها : عمليتي مانجحت وراح أظل طول عمري بكسوري
هدوها صديقاتها وذكروها بقدرت الله الشافي وماودعوها الى لقاء ثاني على الشريط الا بعد
ما زرعوا الثقه بالله عزوجل في نفس مها
شكرتهم واستأذنتهم لانها متكدره شويا وخرجت من الشريط ...

وبعد ايام طلعت مها على الشريط وكانت تنادي على صديقاتها(الباسقة و جئت) بس ماكانوا
يردوا عليهافكانت ترسل ابيات حزينه جدا توصف معاناتها وشوقها الكبير لاخواتها (أروى و ليلى)
وانها ترحب بالموت وتتمنى انها في القبور عندهم تقطع قلبي عليها وقلت فقدت اخواتها وتعاني
من اصابات وصديقاتها على الشريط مشغولين عنها وهي محتاجه لهم؟
قررت اخرج على الشريط و أواسيها
وفعلا سجلت لقب # صابرين # ودخلت الشريط
سلمت عليها وسألتها عن صحتها
طمنتني انها الآن بخير والحمدلله
قلتلها مانسيتك بدعائي حتى في الحرم
شكرتني ودعتلي وسألتني إذا كنت من مكه؟
جاوبتها لا انا من جده
وسولفنا ودردشنا دردشه خفيفه حسيت انها تسلت واتبسطت
كان اسلوبها قمه في الذوق والاخلاق كانت شاعره مبدعه كانت تحب تتكلم بالغة العربيه
وكأنك قداماستاذة عربي كانت على رغم معاناتها تجاوب و تآخذ وتعطي معايا

[ندعوك للتسجيل في المنتدى أو التعريف بنفسك لمعاينة هذا الرابط]
خرجت من الشريط بعد ما ودعتها وانا اتمنى اشوفها باستمرار خرجت واسلوبها وجاذيبيتو يتردد في
مخيلتيمرت الأيام وكنت اشوفها تخرج على الشريط وكنت اخرج بعض الاحيان واسلم عليها
كانت (مها الناصر) متعرفه على بنات كثير واغلب بنات الشريط يحبوها ويدعولها
بس لاحظت شي غريب ماصرت اشوف صديقاتها المقربات لها جدا!!
كانت دايما تنادي عليهم ولا وحده ترد
ومره فتحت على القناه وشفت (الباسقة) على شريط تراسل عضوه ثانيه
(طلعت مها على الشريط وارسلت)
أهل الوفا لما الجفا
اليس لنا عذرا فيما مضى؟
.....هذا اللي اتذكروا من الابيات......
ولما ارسلت مها خرجت الباسقة من الشريط وارسلت انها غير متابعه
في هذي اللحظه دخلت أنا (لاني مشفقه جدا جدا جدا على حال مها)
وارسلت قلت : وضع مها مايتحمل زعل
مها تحتاج لصدق اخوه
وخرجت من الشريط
غابت مها عن الشريط بعد هذا الموقف وانشغلت عليها
كان في خدمه على الشريط انو بأمكان الكنترول يوصلك رساله من جوالك لجوال أي عضوه من غير
مايظهر رقم أي احد ويظهر في الرسايل رقم شريط القناهـ جهزت رسالتي لمها وطلبت من الكنترول
يوصلها وفعلا وصلها وفرحت بالمره وفرحت اكثر برد مها عليا رحبت بي بكلمتها المعتاده(مرحبا أخيتي صابرين)
وقالت بسألك سؤلين إذا أذنتي لي
السؤال الاول كان:
ماذا تعرفي عن مها؟
جاوبتها اعرف عنك كل شي كتبتيه في الشريط
قالت طيب بسألك السؤال الثاني واتمنى تجاوبي بصراحه
( انتي متعرفه علي لانك (مشفقه علي؟)
يالله لما وصلني السؤال
حسيت بجد هذي الانسانه عندها عزة نفس قويه ماتسمحلها ولو كانت في اصعب الظروف انها تنزلها
جاوبتها وقلت
مها انتي إنسانه نادره بطيبة قلبك واخلاقك
((ويكفي انك حافظه القرآن))
بعدين في اكثر من وحده على الشريط ترسل انها مريضه و و و ليش ماتعرفت عليهم زيك
مها انا احتاجك
انا اعيش بدون اصحاب
ردت : بس أنا مريضه؟
قلت : ربي قادر ان يشفيك في غمضة عين
ردت : انا اسمي مها عبد الكريم الناصر
عمري 22
اسكن في الرياض
درست الى ثاني الثانوي ولم اكمل الدراسه بسبب حادث
فقدت فيه ثمرة فؤادي ( أروى و ليلى)
قلت: اعرفك بنفسي انا...............
من جده
وعمري .....
يعني انا اختك الكبيره
ولو حابه تناديني ب( أروى) ناديني
المهم وصرت اراسلها على هذي الخدمه

***
[ندعوك للتسجيل في المنتدى أو التعريف بنفسك لمعاينة هذا الرابط]
وفي يوم ارسلتلي هذي الابيات
مها الناصر تقووول :
أطوف بكسر الصدر التمس الشفا
وحلقي ملوي وصدري مشذب
مشوهة مكسورة معيبة
اتشفى مها؟ هيهات فالنجم اقرب
وكيف واسياخ الحديد بصدرها
وحلقي مفتوح وظهري احدب
يقولون لي : قال الاطباء: ابشري
علاجك سهل والكسور تطبب
فقلت لهم والقلب يعصره البكا
تبشرني بالصدق؟ ام انت تلعب
اعلل نفسي بالمنى تتبع المنى
وهل في سراب القفر ماء ومشرب
ظنون و اوهام سئمنا سماعها
تزيد فؤادي بالهموم وتلهب
اريد حياة مثل غيري سعيدة
فإن لم تكن فالموت خير واطيب .
بكيت وبكيت وبكيت لما قريت الرساله
وارسلتلها كلام كان مضمونو
ماراح اتخلى عنك يا مها ابدا
سرحت وانشل فكري من التفكير في ابياتها
واتخيل شكلها ومعاناتها
فكرت وفكرت
و وصلت لحل
حل واحد بس
حل واحد اقدر اساعدها فيه واقرب منها اكثر
كان حل صعب بس لو وصلت اقدر اتعرف على معاناتها ونتكلم بوضوح واساعدها واخفف ولوشي
بسيط من معاناتها كنت احس بداخلي قدره اني انسي مها احزانها وموت اخواتها
خصوصا ان بعض الرسايل ماتوصلها من الكنترول بسبب الشبكه
غير تكلفة الرسايل
كان الحل
(((( ارسل رقمي لمها الناصر))))
بس كيف وممنوع ارسال الارقام عن طريق القناه؟؟
فكرت وغامرت
((((((((((((((((((((لأجل مها الناصر سويت المستحيل))))))))))))))))))))))
[ندعوك للتسجيل في المنتدى أو التعريف بنفسك لمعاينة هذا الرابط]

حصلت على رقم مها بطريقه عرفت هي من خلالها اني ابغى اتواصل معاها خارج الشريط
( طبعا ماراح اقول كيف عشان مايستخدمها اهل الشر
((وانتم لستم منهم ابدا ))
وارسلت رقمها واتذكر هذي اللحظات بتفاصيلها
كان يوم جمعه وضحتلي الرساله بعد الفجر وخرجت الرقم
كنت حطير من الفرحه واخواتي معايا
كنت اقول الحمدلله ذلحين اراسل مها وقت ما ابغى ورد سريع وبدون تكلفه
كنت احس وقتها بخوف وارتباك لدرجة ما قدرت امسك الجوال
خليت وحده من اخواتي تدق على الرقم
ودقت اختي ورفعت السماعه
سلمت اختي
وماكان في احد يرد
قالت : هذا جوال مها الناصر؟
ولا جواب..
فضطرت تقفل الخط
ودوبنا نقول اشبها ؟ لايكون غلطانين ببعض الارقام؟
الا صوت نغمة رساله فتحتها وكان مكتوب فيها ....
( عفوا
هل انتي اخيتي صابرين)
عاااااااد لاتسألوا كيف حالنا في هذاك الوقت
الدنيا كلها صرررررررررررراخ من الفرحه
اللي تسجد سجود شكر
واللي تقول الحمدلله فكه من الشريط ومعاناتو
وووو والله كانت فرحه كبيره ماتوصف
عاااااااااد انا ما قدرت امسك الجوال
ردت عليها اختي وقالت
ايوه هذا جوال صابرين وانا اختها بس هي من الفرحه مو قادره تمسك الجوال ووصفتلها فرحتنا
ردت مها : والله والله اني ابكي
والله ذكرتوني باخواتي والله كانكم اخرجتوني من
قبو مظلم
رديت عليها بعد السلام عبرتلها عن فرحتي بالوصول لها وقلتلها من اليوم ورايح بلاش دموع
انا واخواتي اخواتك
اعتبري ان افترقنا من زمان واليوم اجتمعا وللابد بإذن الله وماراح نفترق
وكلنا انا واخواتي نقلك بصوت واحد
( احنا اخواتك يا مها وماراح نتخلى عنك)
وعاد تخيلي اصواتنا بس لاتدققين
دعتلنا وقالت
(صابرين قد تستغربين من طريقة تواصلي معك ((سيكون بالرسايل فقط))
قلت ادري والله ومعذوره وآسفه اذا احرجتك باتصال اختي

0 ((احبتي في الله نسيت اقولكم ان مها
ماتتكلم عرفت من خلال اشعارها على الشريط
وقد تابعتها اختي على الشريط وحكت انها بعد الحادث رجعت تكمل الدراسه وكان صوتها مو واضح
تقول كنت اجاوب اذا كان في اختبار تحريري
بس في معلمه اشتكت للمديره علي انها ماتفهم صوتي اذا تكلمت... وبعد فتره فصلتها المديره))
وصارت احدث كثيره في اول يوم تواصلت فيه مع مها
[ندعوك للتسجيل في المنتدى أو التعريف بنفسك لمعاينة هذا الرابط]

(أحبتي في الله اسمحولي من ذلحين اكتب احادث صارت بيني وبين مها واعتذر عن جرئتي في كتابتها
يمكن في اوقات تشوفوا انو ماكان لو داعي اكتبها..بس ابغاكم تحسو فيا وتعيشوا معايا في كل الاحداث
فاعذروني راح تعرفوا ايش السبب في النهايه بإذن الله)
اكمل احداث اول يوم
تراسلنا من بعد الفجر لحد تقريبا س 11
عرفتني مها الناصر على نفسها اكثر وعلى عدد افراد عائلتها قالت
انا اعيش مع امي وابي وشغالتنا (شريفه)
بعد فراق اخواتي(اروى وليلى) من اربع سنوات واشهر
وعندي اخ واحد اسمه (فهد) متزوج وعنده ولد (احمد) وبنت(اروى)
ابوي كفيف لكنه حافظ القرآن كامل
امي كثيرة السفر لديرتنا(المجمعه) وهي مسافره لها من اسبوع عشان زواج بنت خالتي(ريم)
تخيلي يا صابرين تاركتني على مرضي وحاجتي لها مع اب كفيف
وراميتني على شريفه هذي المرأة المسكينه وجايه من آخر الدنيا
وامي وجهها مو لي لبنات خالتي تروح توسع صدرها
معاهم... ايش تبغى ببنت شبه مشلوله شبه بكماء
وبزوج كفيف...لا وبعد مطاوعه
...واسيتها ودعيت لامها بالهدايه وسولفنا كثير
عرفتها بعائلتي بأسمائهم وبعدد اخواتي واخواني واعمارهم
وبأرقم جوالات اخواتي حتى المتزوجات
قالت صابرين اخواتك الغاليات ماعندهم مانع اتواصل معاهم؟ اقطع وحدتي بمراسلتهم؟
قلتلها اكيد عايدي وهما موصيني ارسلها لكي راسليهم في أي وقت تحبي
قلتلها مها انا احتاج صحبه صالحه تعيني واعينها على على طاعة الله عزوجل عشان نحس بالسعاده
في الدنيا وفي الاخره بالسعاده الحقيقه (بدخول جنة النعيم الابدي)
وحكيتلها عن معاناتي مع الصاحبات وو عدتني تكون ليا نعم الاخت وقالت وماراح نفترق ابدا صح صابرين
قلتلها اكيد مليون صح بإذن الله وارسلت خاطره حزينه مضمونها ان بعض البشر يبحث عن الجمال واذا
شافوا انسان ذهبت نظارتو وصفائه وتشوه اعتزلوه وهمشوه وتركوه في الدنيا وحيد
قلتلها : مها لو كان فيك تشوهات الدنيا والله ما اسيبك
انا مو من هذا الصنف ابدا
بعدين سألتها عن صحباتها(جئت كما انا والباسقه)
ليش ماصروا يطلعوا على الشريط؟ انت تقصديهم بهذي الخاطره؟ انا عرفت انهم في الرياض ماجو زاروكي؟
قالت: جئت امرأة صالحه تواصلنا خارج الشريط
متزوجه ولديها3بنات وولد
كانت ترسل رسايل وسايط ونصيه وعظيه ونصح وتذكير
كانت ترسلي ابيات بمقطع صوتها
طلبت مني في يوم عنوان بيتي تزورني
(حذرتها من امي ولم تبالي)
اعطيتها العنون وفعلا جات
(( والله ما انسى هذيك العصريه والله لما دخلت جئت والله وقفت على رجلين وحسيت كأن اختي
(اروى) دخلت علي بكيت ومسحت دموعي بطرحتي جلسنا ونظرات امي اكلتني واكلتها
تسألها أمي
من وين انتي؟
كيف عرفتي مها؟
أي شريط؟
والله كان واضح الارتباك على جئت
والله ربع ساعه وقامت من سوء معاملت امي حتى ماضيفتها
قامت جئت وودعتني وقبلت راسي وقالت (اوعدك بزياره ثانيه)
اقسم بالله كان عندي يقين انها آخر زياره
وفعلا من بعدها غيرت جئت رقمها وصرت انادي عليها في الشريط وماترد وحتى الباسقه صديقتنا
اظن جئت خبرتها وزعلوا من معاملت امي واختفوا
قلتلها ايش ذنبك؟
[ندعوك للتسجيل في المنتدى أو التعريف بنفسك لمعاينة هذا الرابط]

وفي نفس اول يوم من تعارفنا ارسلت ليا مقطع صوت لبنت تقرأ سورة الرحمن تقول
(هذا صوت اروى بنت اخوي)وحلفتني قبل ماترسلو اننا نقول ماشاء الله لاقوة الابالله
قالت يمكن صوت البنت بالنسبه لكم جدا عايدي بس مابقيلنا الا اروى الصغيره
وقالت صابرين احكيلك قصتي انا واخواتي؟
وحكتلي القصه قالت: انا واخواتي كنا في مدرسة تحفيظ قرآن
ليلى(رحمها الله كانت في المتوسط حافظه نص القرآن
اما انا واروى قربنا نختم الحفظ
وفي يوم زارتنا عجوز وطلبت من امي اننا نسمعها تلاواتنا
قريت انا مقطع وليلى مقطع واروى مقطع
وبعد ماخلصنا قالت العجوز لامي:
والله يامنيره لو بناتك رجال كان صاروا أئمه للحرم
وبعدها بأيام صار لنا الحادث
وماتت حبيبتاي (أروى و ليلى)
وبقيت انا بأصاباتي
حسبي الله على هالعجوز
***حزنت بالمره قلتلها طيب ليش ماتآخذي اثرها؟ انتي مريضه بس بسبب عين يعني بإذن الله
علاجك موجود قالت كلمت امي ورافضه بشده
قلت طيب اعطيني رقم زوجة اخوكي اكلمها يمكن تقدر تقنع امك او اعطيني رقم امك
عصبت مها وقالت زوجة اخوي موب من عايلة الناصر.. وليش تبغي تكلمي امي تبغي تسوي
مثل جئت*****احبتي في الله اقسم بالله قصتي مع مها متشعبه وطويله وصعب اكتب كل شي
بس راح اكتب اهم الاحداث اللي صارت وكنت بتجنن بسببها***
ولله تعبت نفسيا من معانات مها وكنت احتسب الاجر بمراسلتي لها والله الشهر الأول كنا نتراسل
من الفجر لحد الساعه 1 صباحا والله ماكان يفصل بيننا الا الصلاه والله اعطيتها وقتي وكل شي املكو
لدرجة كنت باسيب دوامي عشانها
نسيت اهلي ونادر ما اجلس معاهم لان كل وقتي لمها حتى وزني نقص
لاني نادرما تذكر اني آكل لدرجة كنت احس بطعم مراره في فمي واذا تذكرت والله اراسلها وانا آكل
كنت تحكيلي معاناه ولا في حياتي سمعت زيها
كنت اقول لاخواتي مها تحتاج يمكن سنه وتتحسن نفسيتها
كانت تقولي مها اشتقت لاروى يا صابرين
والله اني احتفظ بكشكول لها فيه توقيعها وبعض عباراتها
واحتفظ بلبس ل ليلى
وتقول في ليله حلمت في اروى تقولي بصوتها :
متى تجين يا مها؟
استيقظت وبكيت حتى آلمني حلقي
اعرف انها مشتاقه الي مثل ما انا مشتاقه لها
صابرين كانت اروى تدافع عني في المدرسه وفي كل مكان
والله كل الناس عافوني بعد اروى
حتى صديقاتي اللي في المدرسه ولا اتصل واحد منهم
لا ادري كانت صداقتهم لي بمجرد اني اخت اروى ولما ذهبت ذهبوا
او في احد ( امي) صرفتهم عني
امي تحب تعزلني وتحبسني عن الناس
وحصل لها ماتريد
ولا ادري تفعل هذا لانها لاتحبني
وتمنت اني اموت على ان تبقى اروى وليلى
او ملت من مواعيدي وعمليات في المستشفيات لاني احرمها من سهراتها وزياراتها لخالتي
وبناتها الجميلات؟؟؟؟؟والله اتمنى ارى اروى واسمعها ماكتبت فيها من ابيات بسبب فقدها
والله اتخيل انها رجعت واضمها واتحسس وجهها واشم عطرها
******
من المواقف مع مها
في يوم لاحظت انها تسهر كثير وحسيت انها ماتنام
لما سألتها قالت:
انا آخذ علاج اسمه (برجنيل) يحرمني من النوم36
هذا العلاج يفيد في تقوية عظام الصدر والكسور
****
[ندعوك للتسجيل في المنتدى أو التعريف بنفسك لمعاينة هذا الرابط]
من المواقف
كانت تقول انا احب ابوي الشايب اللطيف عبد الكريم
ارحم
واحن
والطف
واصفا
قلب على وجهه اللارض ارحم بي من امي بعض الاحيان اقول ياليت ابوي امي
ولو الحياء لا نمت في حضنه
مايترك قيام الليل رغم انه اعمى وكبير في السن
اتقهوى معه كل صباح
قال لي مره: يابنتي امام المسجد قال كلمه اليوم وقال كان الرسول صلى الله عليه وسلم يقول
( فاطمه بضع مني يوذيني ماآذاها )وانت يابنتي بضع مني
وعاد اختك قامت تبكي
ادعو الله ان يجعل يومي قبل يومه
*****
من المواقف تقول بعد الحادث
زارتني احدى معلماتي مع بعض الطالبات اللي كانوا معي و وسط جلوسهم كنت مريضه جدا وكحيت
قالت الاستاذه وش ذي الكحه كانها كحت رجال (بزعمها تلطف الجو)
والله بكيت حتى استحت واعتذرت وراحوا وانا ابكي
**** كانت تسالني عن كل شي وانا اجاوب تقولي سولفي عن أي شي انا ليا اربع سنوات منعزله
عن الناس ولا اخرج من باب بيتنا الا للمستشفى
*****
كانت تقول لي نفسي اشوفك واضمك لصدري وابوس يدك ورجلك
لك افضال عليا كثيره
ملئتي حياتي فرح وانبساط والله ما عشتها الا مع اخواتي
كانت تقولي انتي اغلى من حياتي افديك بنفسي
و لا جئت و الباسقه ولا بنات الناصر يسوون مواطي رجولك
وووووو *****
كنت مها تصحيني لقيام الليل
وكنت ادق عليها في رمضان اسمعلها سورة البقره كنت تصححلي الاخطاء برساله بعد ما اخلص تسميع
وحفظت معاها قرابة جزء
****
طلبت مني بيوم اتصل عليها قالت : ودي اسمع صوتك
ماقد سمعت صوت احد من زمان الا صوت ابوي والشغاله
ودي تسولفين علي تضحكين تقولين أي شي
وافقت وبدون تردد دقيت وسولفت وكانت هي ترفع السماعه وتعلق على اتصالي بعد ماا قفل برساله
كنت اسمع اذا رفعت السماعه صوت حدايد وكان هذا صوت نفسها
واذكر اول اتصال بعد مانتهيت منو قالت:
حياتي حياتي حياتي اقسم بالله ما اسويك باحد
اقسم بالله لك افضال عليا كثيره
كان ودي والله اسولف معك ولكن انا واول مره اعترف لك( انا مركبه صمام في حلقي بسبب التوى الحنجره)
كانت تطلب مني داااايما اتصل واسولف وتطلب ارسلها مقاطع صوتيه وكنت ارسلها اناشيد بصوتي وتلاوات
او اقرى لها عن فضل الصبر(وصلت مقاطعي لها اكثر من عشره مقاطع)وهذا بعض كلامها في رساله بعد
ما ارسلت مقطع صوتي (اقسم بالله انك لطيفه معي وانك ماقصرتي معي واقسم بجلال الله اني احبك
بصدق واخلاص متناهي ولو اقدر خبيتك عن الناس جوات صدري احبك احبك احبك يا اغلى انسانه والله
قلبك ابيض وكبير
انا اكره امي
واحبك لقربك مني
احبك لصراحتك ولثقتك و وفائك
احبك لجراتك ووضوحك احبك لاشياء كثيره
احبك لاخوتك ومواساتك لي وتخفيفك عن اختك
ونصحك ورحمتك وحنانك وعاطفتك واخلاقك
ولكل شي فيك
غاليه وليس لي عنك بديل سنبقى مع بعض
((((( هذي بعض من رسايلها كلو كلام من تاليفها
والله يفتت الحجر... ولو تشوفوا رساله وحده من رسايلها والله ترتيب في الكتابه والمسافات حتى
الاقواس....عندي خمس ميه رساله لها بس في جوال واحد غير الجوالات الثانيه))))
[ندعوك للتسجيل في المنتدى أو التعريف بنفسك لمعاينة هذا الرابط]
وهذي الابيات ارسلتها تعبر عن فرحها باتصالاتي ومقاطعي
ياعذبة الالفاظ زيدي واسكبي
وتخيري حلو النشيد واطربي
وتلطفي فالقلب اعياه الظما
داوي جفاف عروقه وتطببي
كم من مساء بت ارقب طوله
وكانه شبح يغير بمخلب
ابدا براثنه وكشر نابه
ويكاد يقتلني بصوت مرعب
فاتت الي(صابرين)هي راحتي
هي توامي وحبيبتي هي مطلبي
انا مارايت شبيهة (لصابرين)
من ذا يشبه شمسنا بالكوكب؟
ملات علي فراغ وقتي وارتوت
مني العروق بلفظها المتحبب
سكنت فؤادي(مها)فصارت ملكها
فمري(مها) وانهي وقولي واطلبي

****
كنت دايم ارسلها رسايل دعاء او تذكير بجزاء اهل البلاء
والله كنت اناديها اختي
قاتلي بيوم ليش مانقول لبعض ياحبي ياحياتي يا انفاسي والله احتاج لهذي الكلمات ياصابرين
والله ا ن امي ماعمرها حتى قالتلي يابنتي
قلتلها ابشري والله كانت تفرح فرح مو طبيعي بها الكلمات ولما ارسلها وسايط ايش اقول بس تعبر
باسلوب مدح جمييييييييل جدا رغم اني مو مقتنعه بلكلمات هذي ولا عمري قلتها لاحد
بس دام تفرح مها تفرحني ( لان مها وضعها خاص)
****
[ندعوك للتسجيل في المنتدى أو التعريف بنفسك لمعاينة هذا الرابط]
قالتلي بيوم ان اخوها مخلي لها اشترك بالنت مفتوح ويرمي عليها بطايق الشحن (قالت اخوي يعرف
وضعي ويآئس من شفائي و زواجي عشان كذا يشفق علي واي طريق اسلكه مايهمه)
وفي يوم خلص شحني وحولتلي ميه زعلت مره قالت انا مابغاك تغيبين عني ولا ثانيه
والله شحنها يخلص فيها الميه تخلص في ثلاث ايام بس
وشحنت ليا وشحنت حتى وصل شحنها 3 الاف
كنا نصور لبعض اغراضنا اذا اشتريت بلوزه شنطه أي شي اصورو لها
وهي كمان عندي صور حتى لفطورها وقهوتها
صور لغرفة نومها وحوشهم وسيارت اخوها
صوركثيره لبيتهم من جوه
صور لاحمد
صور لبلايزها
صوره لطقم الالماس وساعتها وساعة اروى
****
[ندعوك للتسجيل في المنتدى أو التعريف بنفسك لمعاينة هذا الرابط]
في يوم كنت اراسلها واحس رسايلها تتاخر سالتها قالت ان اخوها و امها عندها( طبعا ما كانوا يعرفوا
بتعارفنا)قامت ارسلت وقالت انا الان تظاهرت اني ابي الحمام يلا خلينا نتراسل شوي
قلتلها لا مها ارجعي عند امك و اخوك ذلحين يشكون
ماردت
ارسلت
ماردت
استنيت شويا الا الجوال يدق
اطالع رقم مها؟ مين؟ عمرها مادقت ..كيف وهي ماتتكلم؟
فتحت الخط وانا ميته خوف سكت الا صوت رجال
الو السلام عليكم
وعليكم السلام
انا اخو مها مين انتي؟
قلت انا صحبتها
قال كيف كذا؟ مها انسانه مريضه واصدقائها محدودين
كيف تعرفتي عليها
قلت من الشريط
وقال ايش هذي الصور؟ قلت صور اغراضنا عايدي حتى انا صورت
قال انا همني اختي عائلة الناصر
حتى سريرها مصورته لاحول ولاقوة الابالله
بعدين قال بسالك مها صورت ملابسها الداخليه؟
قلت اكيد لا ايش هذا السؤال؟
(كنت افكر دايم في كلامو واقول كان اولى يقول صورت مها نفسها مو هذا لسؤال البايخ
(كنت افكر وانسى)
المهم كانت مكالمتو طويله وسال عن اسماء اخواتي وقال من هذولا قلت اخواتي قال طيب خليني اتاكد
والله دق على كل وحده وسمع اصواتنا
ورجع دق علي وقال انا آسف الشيطان وسوس لي كنت اظنها ارقام شباب
بس رجاء اتركوا مها مها مريضه وعندها عمليتين
وحده بعد شهر والثانيه وهي خطيره جدا عمليه في حلقها بسبب ان الصمام يفرز صديد
والله بكيت وتناقشنا كثير واصر على منعنا من مها واخذ الجوال عندو لايام
كنت اترجاه برساله يرجع الجوال بمها وكان يرد بهذ الاسلوب لدرجه حسيت انو انسان ماكمل تعليمو
(مها.مرضاه.اتر.كو.اختي.عنده.مواعيد.وعمليت.في.المست شف.)هذا اسلوبو في الكتابه
في النهايه قال اختي متعلقه فيكم راسلوها وخذوا راحتكم
اختي متاثره بفقد اخواتها اروى وليلى خصوصا اروى
تحسب بس هي فقدتهم كلنا فقدناهم
بس ابيك تحاولين فيها على شيئين الاول
ترجع تجلس مع ابويا مثل كل صباح والله ابوي يتاثر من وحدتها وحالها
والثاني انها توافق يجي الشيخ يقرا عليها
وهي حريصه جزاها الله خير تلبس عبيتها وشرابها وقفازها وتخلي يقرا من ورا الشرشف
لكن رفضت تستمر فحاولي معها وهذا لمصلحتها
وياليت تحاولوا تجو الرياض تزوروها
وجزاكم الله خير
قلت بإذن الله احاول معاها اما الزياره فوالله موبيدي

كانت تقولي ياليتني اكون اختك الشقيقه ياصابرين
نفكر مثل مايفكروا فيه بنات سني في الفساتين والازياء احسب فجوه كبيره بيني وبين البنات
قالتلي مره ياليتني جوالك ياصابرين
ليتني خصله من شعرك
ليتني مشطك
ليتني مناكير على اظافيرك
ليتني كريم على ذراعك
.....
[ندعوك للتسجيل في المنتدى أو التعريف بنفسك لمعاينة هذا الرابط]
كانت تقولي نذر عليا ياصابرين احضر زواجك ولو محموله
قلت لها: وانا بإذن الله احضر زواجك
قالت انا مالي حض من الزواج خطبني سليمان قبل الحادث وبعد الحادث راح
وحكتلي عن غيرتها من بنات خالتها وغيرتها من روحت امها لهم وهي احوج منهم لامها وحكتلي
عن زواج ريم وقالت حتى مافكرت ترسلي بطاقه دعوه لزواجها هما يعرفوا ماراح احضر بس ما ارسلت
ولوجبر خاطر وارسلت ابيات كتبتها عن ريم....
[ندعوك للتسجيل في المنتدى أو التعريف بنفسك لمعاينة هذا الرابط]
مها الناصر تقول :
(الى ابنت خالتي العروس ريم وفقها الله)
قالت:خطبت تقولها متفاخره
وغدا سياتي دور اختي الصابره
وغدا سياتيك الخطيب كفارس
او راكبا سيارة او طائره
وغدا سنفرح كلنا بزواجها
ونرى بنيها سادة ودكاتره
وغدا سينسى الناس كسر ضلوعها
وجروحها ودموعها المتقاطره
اتقول ذاك شماتة؟ والله قد
علم الخفي من المقال وظاهره
انا رضيت بما الاله اراده
من ردت الاقدار بنت خاسره
حمدا لك اللهم حمدا طيبا
ارجو الثواب عليه يوم الاخره
فإن ابتليت فقد كفيت مصائبا
انعام جودك لم تزل متواتره
لكني ارجو واطمع في الشفا
واليك ارفع حاجتي متصاغره
ان تجبر العظم الكسير فاني
لا استطيع مع الشتاء مصابره
واغفر(لاروى) والحبيبة اختها
(ليلى)فان قبورهم متجاوره
واجمع(مها) بهما بدار كرامة
فيها وجوه ناعمات ناضره
انا لست اطمع في الزواج وكيف ذا؟
والصدر مني قد لواه دكاتره
انا لست اطمع في الزواج وكيف ذا؟
والعظم مني قد شكا لجابره
انا لست اطمع في الزواج وكيف ذا؟
وانا الكسيره غير ان شاعره
انا لا أأمل في الحياة سعادة
( لكني ارجو ثواب الآخره)
هم ويغرس في اظفار البكا
ولو استطعت كسر منه اظافره
****
[ندعوك للتسجيل في المنتدى أو التعريف بنفسك لمعاينة هذا الرابط]
قالتلي مها
اسمعيني صابرين
اصاباتي بسبب الحادث هي
صمام دايم بسبب التوى الحنجره
وكان هناك سواد في رقبتي نازل الى كتفي بسبب تمزق بعض الشرايين وانحباس الدم والحمدلله
بدا هذا السواد بالاختفاءاعيش بثدي واحد كسر في عظام الصدر (لاينجبر) وكل 8 اشهر اسوي
عملية شد اسياخ ضمور في رجلي اليسرى ولاامشي الا بعكاز وبمساعدة شريفه حتى بدخولي
للحمام( اعزكم الله)واستحمامي احتاج لشريفه
واذا صعدت درجتين فقط كاني اصعد عماره من تسعين طابق
صابرين انا بعد اسبوع باسوي عملية شد اسياخ والله انها مؤلمه وخطيره
بكيت كيف اقدر اصبر على فراقها وان ليا اشهر ارسلها كل يوم؟ غير خوفي عليها وان العمليه خطيره
هدتني وقالت راح اجلس شهر في المستشفى وعندي لك خبر يفرحك
ابوي واخوي في ايام عمليتي بيجون عمره وبيمرون عليكم كلمتهم يوصلون لك بعض الاغراض
الشايب اللطيف ماعنده مانع مع استغرابه
واخوي موافق وامي ماتقدر تنطق بحرف
...فرحت جدا بهذا الخبرحسيت العلاقه بتكبر اكثر خصوصا اذا اخوها تعرف على اخواني يعني في امل
اشوف مها...وطلبت رقم اخويا عشان تعطيه اخوها وطلبت وصف البيت اعطيتها العنوان والرقم كلمت
اخويا بالموضوع ماكان يعرف بالقصه(والله صارت ليا مشاكل)......
قالتلي مها ايش بتجبيلي هدايا يا صابرين ؟
قلت مفاجئات
قالت من السوق ؟
قلت ايوه
قالت لا تكفين ماابغى شي من السوق ابغى شي من اغراضك انتي
مشطك ..طرحتك..عطرك.. ملابسك أي شي يخصك
قمت اتصلت قلتلها ليش يامها ايش تبغي با اغراضي اخاف تتعلقي فيا وتنسي صلاتك وحفظك للقرآن
والله في هذي اللحظه سمعت صوتها وهي تبكي والله ما انسى الصوت
صوت حشرجه وصوت حدايد
قفلت الخط على طول
ارسلت
ارجوك صابرين ارجوك ترسلي شي من اغراضك ما ابي اغرض السوق انا ما اخرج ولا احد يجيني
ولو ابغى شي من السوق اخوي ثري وعنده 3محلات
ارجوك فكري في الموضوع زين
طبعا من غير تفكير الا بالعواطف
وافقت فرحت كثير ووعدتني ترسل اغراضها ودفتر بخط يدها
جا وقت الوداع ودعتني لاجل عمليتها واستودعتها الله...
( تذكرت )اليوم الثاني من وداع مها خرجت وحده ع الشريط وكان لقبه فصفص تكتب اشعار بالغة العربيه
وتطلب من وحه السماح والاعتذار(حسيت انها صديقة مها جئت سبحان الله كانوا صديقات مها الباسقه
وجئت يتكلموا باللغة العربيه زيها ويحب الشعر بالغه العربيه) دخلت الشريط وراسلتها سالتها انت جئت؟
مها تحتاجك مها في المستشفى؟
قالت من انتي؟ انت قريبة مها وش فيها مها؟ قلت انا صاحبتها تعرفت عليه من الشريط زيك...
مها عندها عمليه روحي زوريها في المستشفى
قالت مااقدر اخاف الاقي امها
قلت ماعليكي اهم شي تفرح بك مها والله تحبك
قالت بس امها #طردتني # الله يهديها المهم حاولت فيها...
انتقل لموقف ثاني واهم آآآآآآآه
******
[ندعوك للتسجيل في المنتدى أو التعريف بنفسك لمعاينة هذا الرابط]
اتصل اخوها بعد اسبوع من تنويمها
قال لاخويا انا بجده باجيكم بعد العصر اوصل اغراض من اختي
وجا العصر ودق ع اخويا وتقابلوا في محل وجابو البيت يقول اخوي انو قال ابويا وامي في الحرم كانوا
بيجون وجلس ربع ساعه قال اسمي (فهد)
((((تجاوزت الاربعين )))) اختي متعلقه في اهلك بسبب موت اخواتها في حادث يقول انا كنت سائق
السياره..,يقول اخويا دمعت عينو وكان بيبكي ورحت اغير الموضوع
نزل الاغراض وسلمنا هدايانا انا واخواتي
لما راح اخوها جيت اشوف اغرضها تدروا ايش كانت؟؟

مخدتها وعكازها وشرشف صلاتها وسجادتها وطرحتها وقميصها وتنوره وبلوزتها وكتب دينيه منوعه كلها
مختومه بختم مكتوب باسم(مها الناصر)
وطقم ذهب وجوالين كاميرا
ودفتر اشعارها حزززززززززززززززينه جدا(والله انو مفتوح قدامي ذلحين) راح انقلكم منو...بإذن الله
(من دفتر اشعار مها الناصر) ماقريتو الا نزلت دموعي (وصف عجيب لمعاناتها)
اختي الغاليه والحبيبه والوفيه والقريبه من قلبي بل هي قلبي وحياتي(صابرين)
هذا الكشكول ومافيه من قصايد وخرابيط
هدية لك احفظيه عندك وابحثي له عن مكان بين دفاترك وكتبك ابقيه عندك((((((لعل الله ان يكتب لنا لقاء
قريبا فأراه ثانيه))))))) اكتب لك هذه الكلمات قبل موعد التنويم لاجل العملية ب 4 ايام فقط
وانا لاادري ماهي العاقبه؟لكني متأكده من امور هي:
• سوف ارمى في غرفة التخدير بين رجال اجانب وسيكشفون عني ما اوجب الله ستره ولن يكون بجواري
احد (والى الله المشتكى)
• سوف اخرج من غرفة العمليات الى قسم التنويم (حية ميتة)لاجل البنج
• ساتجرع من الالم والوجع جميع انواعه بعد زوال مفعول البنج
• لن استطيع ان اتحرك بعد العمليه لمدة اسبوع او 10 ايام الا بصعوبة والم شديد وادعو الله
( ان لا اعطس او اكح اما الضحك فبعيد)
• سيحبسوني عندهم بعد العمليه اسبوعين او ثلاثه في المشتشفى
• ادعو الله ان ييسر لي مرافقة رحيمة لان بعض الناس لن يصبر على المجمعة متاكده من هذا
• غاليتي اعدك ان اتواصل معك ثانيه(ان كتب الله لي الخروج)
• واعدك ان لا انساك واعدك ان ادعو لك واعدك ان اذكرك بالخير عند والدي واخي وامي
• واعدك ان احفظ فضلك علي واعترف به واعدك ان تبقين على بالي دواما انت واخواتك الغاليات
• غاليتي مارايت منك الا كل خير ملاتي حياتي فرحا وانبساطا مع اني ما اعطيتك شي الا
النكد والحزن والبكاء
((طلب اخير))
ان رايتي مني شيئا تكرهينه#فاعذريني وسامحيني#
انت بالنسبة لي (كل شيء) تذكري هذا
احبك في الله دعواتك.........
[ندعوك للتسجيل في المنتدى أو التعريف بنفسك لمعاينة هذا الرابط]

**** ابدا بكتابة اشعارها)
دموع لاتزال تفيض دوما
وليس لها مدى الدهر انقطاع
**** كان في بعض الرسمات في الدفتر رسم رسامه)
بس رسمات غريبه رسمة عجوز معاها فأس ينزل منو دم ورسمة عيون ودموع ورسمة سكين
(اكمل الاشعار)
قلبي الى اروى يحن ويطرب
والدمع بعد فرقها يتصبب
هل سوف يجمعنا الزمان مجددا؟
ام ان نجم الكون منها اقرب
*****
إلى أخي الحبيب
انت الذي تجني علي وتظلم
واسأت بي ظن وإنك تعلم
وتركتني محبوسة في غرفتي
وكأنني في الاسر لصُ مجرمُ
هل لي سواك أخ ليفهم موقفي ؟
رفقًا بأختك فإنها تتألم
حتى متى أبكي وأمسح دمعتي
مما اعانيه وأنت تبسم؟
*****
(عيد الاضحى 1427)
(دموع باكية)
كم من مساء قد قطعت سكونه
بانين مكروب وعيني تدمع
كم من هموم قد طويت بكاءها
لم اشكها الا لرب يسمع
مازلت ابكي مذ بليت بما ترى
واذا ضحكت فانما اتصنع
يارب لم اخفض لغيرك جبهتي
ابغير فضلك يا الهي اطمع؟
والله لم اسال سواك سليمة
اسواك وانت غاية مقصدي؟
من لي سواك وانت انت المرجع؟
من لي سواك يحوطني بعناية
رحماك ياربا اليه المفزع
الخوف ارقني واقلق راحتي
وبك الامان وذاك مااتطلع
وخطاي ترجف مثل ريش حمامة
عبثت بها الريح تروح وترجع
رحماك يامن لم يزل ذا منة
يشفي ويكفي والبلية يدفع
رباه فاخترلي فانت بلوتني
لن ينسني ربي ولست اضيع
رباه فاشف(مها)ونفس كربها
فلقد شكت برد الشتاء لاضلع
يامن لبى الحجيج على منى
تركوا لاجلك اهلهم وتجمعوا
يامن يطوف ببيتيه خلق وقد
رفعوا اليه اكفهم وتضرعوا
البس(مها)ثوب الشفاء فانها
من صدرها وضلوعها تتوجع
أواه من شوقي (لاروى) وهل
لي في الجلوس بقرب (ليلى) مطمع
رباه فاجمعنا بدار كرامة
فيها نعيم دائم لايقطع
وارى السعادة مثل باب مغلق
و(مها) بكلتا راحتيها تقرع
ولو استطعت فتحته وكسرته
لكن كسر الصدر مني يمنع
ان لا اريد سوى تبسم لحظة
اما الشفاء فلست فيه اطمع
نكد وتنغيص وحزن دائم
ابكي ويضحك شامتا ويروع
افليس لي حظ من الفرح الذي
اسعى اليه وهو عني يرجع؟
*****

معادلة حسابيه
مها + برجنيل = - (نوم)
- (نوم)= سهر 36ساعه
36ساعة سهر = مها الناصر
النتيجه/ مها الناصر = (مخلوق ليلي)
*****
(اطايب مها الناصر)
علك (ام حديجان)
آيسكريم (وشيع)
بسكويت(طحيمر)
عصير(طنيقر) قليل الدسم
التوقيع
الشيفه مها الناصر
****
[ندعوك للتسجيل في المنتدى أو التعريف بنفسك لمعاينة هذا الرابط]

9/10/1428(بعد 3 ايام موعد عملية شد الاسياخ
توكلي على الله وحده القبور تنادي((راسمه صورة القبر))بكيت دم على هذي الرساله الناس في عيد
ومها في عالم ثاني
حزن يزلزل مهجتي وفؤادي
والدمع اغرق مفرشي ووسادي
وبكاء خائفة اقض مضاجعي
حُرِمت به عيني لذيذ رقادي
وخُطاي ترجف مثلما رجفت خُطا
من سيق نحو وفاته بقياد
وكظبية وقعت بفخ قانص
وحمامه تخشى اذى الصياد
واسير حرب او ثقوه سلاسلا
رفعوا عليه السيف في الاصفاد
وكأنني عمياء تطلب دربها
حيراء في أعلى شفير الوادي
فإذا زللت فبين أحضان الردى
أنسى وأطوى مثلما السجاد
وإذا بقيت بقيت غير سوية
مأسورة للحزن والأنكاد
ضاقت بي الدنيا وضاع تبسمي
اذا قيل لي (قد قرروا ميعادي)
عملية قد كنت اكره ذكرها
واليوم اكره ذكرها
واليوم يحدو بي اليها حادي
أواه من فزع يؤرقني ومن
جزع يفت جوانح الاكباد
أواه من قلق وزفرة آيس
من كل مخلوق سوى الخالق الجواد
أواه من شوق الى (اروى) فقد
طال الفراق وقد مللت بعادي
أواه من شوق الى (ليلى) وفي
بسماتها فرحي كذاك ودادي
لم انس خفة ظلها وحديثها
ولطافة بمزاجها المعتادي
فرح القلوب وبهجة لمجالس
من غير شحناء ولا احقاد
قد كنت غافلة اعلل بالمنى
نفسي وافرح ان اتى عوادي
بجوار والدنا يؤانسني بما
يحكيه من قصص عن الاجداد
واخي يحيط بنا بنظرة مشفق
كرما يقدمنا على الاولاد
حتى تحدد موعدي فكانما
رميت (مها)بصواعق وشداد
عملية جاءت بغير مشورة
فالله يعلم موردي و وفادي
وسالت نفسي اذا خلوت بغرفتي
ادنا الشفاء ؟ ام القبور تنادي؟
امها تسير على الطريق بصيرة؟
ام انها تهوى بسفح لوادي؟
اطريقها ذا موصل لمرادها؟
ام انها تمشي بغير مراد؟
لما رايت طبيب قسم جراحة
خلت النهار ملحفا بسواد
وتخيلت نفسي انطراحي بينهم
مابين تخدير وبين ضماد
وتخيلت نفسي مشارطهم وقد
عبث بصدري مثل ذئب عادي
وتخيلت نفسي ذهاب صفائه
فاكاد اخنق من بكا متمادي
وتخيلت نفسي الشتاء وبرده
فاخافه وطول بي ارعادي
وتخيلت نفسي شماتة حاقد
وسعادة الاعداء والحساد
وتخيلت نفسي وداع احبتي
(اروى) فداها طارفي والازواد
ياسابغ الانعام يارب الورى
يامرجع الصلحاء والعباد
انت الذي يشفي ويكفي عبده
فلقد جعلتك مقصدي وعمادي
كن لي اذا تكدر خاطري
من لي سواك اذا بليت انادي؟
[ندعوك للتسجيل في المنتدى أو التعريف بنفسك لمعاينة هذا الرابط]
**** هذي جزء بسيط من اشعارها ما قدرت اكتب اكثر) كلها احزان في احزان احس بأكتئاب ذا قريتها
ختمة دفترها بهذا الكلام...
هذه القصائد التي استطعت نقلها في هذا الدفتر لتكون لذكرى
ولم اقدر نقل اكثر من ذلك لان الوقت ضاق علي واحتاج الى ان ارتب اغراضي وحاجياتي لانني سابيت
الليله في المستشفى وان شاء الله ارسل دفتر ثاني (ان بقي في العمر بقية) احبكم في الله جميعا
*****
وانا ارسلتلها هدايا من السوق متفرقه وارسلتلها(من اغراضي الشخصيه)
بلوزتين ليا وتنوره سلسلتي عطري شباصه
******
رجعت مها بعد شهر
وشكرتها وشكرتني على الهدايا
وفي يوم وانا اراسلها جيت ادق عليه لقيت الخط مشغول استغربت كيف ومها ماعندها صاحبت وكيف وهي
ماتتكلم؟ بعد ما سالتها ردت بكل برود
( هذا واحد من الشباب مزعجني من شهر)
قلتلها وليش رفعتي الخط؟
قالت والله مااطلع ولاحتى نفس بس اسمع ايش يقول
قلت ليش يسمعك اغنيه؟
قالت لا
يقولي انا اموت فيك
انتي حلوه ومن هذا الكلام
عصبت عليها وقلت ليش اصلا تفتحي الخط
قالت ارسل رساله وقال هذا جوال احمد قلت لا هذا جوال ناس والظاهر عرف اني بنت خاصه يدق وما ارد
فهددني يوزع رقمي ع الشله فرفعت الخط ويرسلي رسايل والله لها تاثير خصوصا انها من ولد
ووووووووووووووووو سالفه طويله اتعب وانا اكتبها
بس الاهم فيها قلتلها حولي رقمك عليا ودقي ع الرقم وخلي واحد من اخواني يوقفو عند حدو
قالت لا شكرا
اخويا المتنح
حي ما مات مع السلامه بنام
*****

(والله جابتلي النفسيه)
واتذكر قالتلي صابرين كنت باضعف يوم وارسل لشباب صورتي
والله يقول بس صوريلي رجلك
قلت ارسليلى انا صورتك
ارسلتها على طول اثرت فيا
كانت مدنيه راسها مو باين ملامح وجهها
شعرها طاير ولابسه قميص زي الحريم الكبار
قلتلها ليش ترسليها لشباب يامها؟ والله يضحكوا عليك وراح ينشروا صورتك بالنت ويتكلموا عنك في
النت ويشوفها اخوك وتضربك امك(على فكره اكتبوا في قوقل قصة مها الناصر واقروا ايش تكلموا البنات
عليها والله تقول شافها اخوي او يمكن احد من بنات قريبنا خبرت امي وخلت اخويا يفتح النت ويشوف
لقى اسمي وابياتي واسماء اخواتي جا وجر شعري وضربني كفوف وجا ت امي وضربتني بلي الغاز
على مرضي ماعندهم رحمه جا ابوي الرحيم وهاوشهم)
قالت صابرين الشباب يرسلولي صور خليعه
و كنت باخلي واحد منهم يجي البيت
بكيت كاني مجنونه ودقيت على شيخ
صارت احداث كثيره
قلتلها الغي الوسايط
قالت انا مشتركه بخدمه لشيوخ تسليني وتخفف علي
المهم وفي النهايه وعدتني انها ماراح تفتحها
وبعدها ارسلتي كلام اقسم بالله اعماني
(وخلتني ارسل صورتي)
علاقت على صورتي بكلام ولافي الدنيا سمعت زيو
وبعد اشهر 0(ارسلتلها صوره ثانيه ليا)
كانت ترسل صورها بس (احس الصور التقطت على غفله يعني مره سادحه و مره تطالع فوق مره مو واضحه)
تقولي الشغاله تصورني استمرت علاقتي بها 11 شهر
وقرب شهر رمضان(قلتلها مها ماراح اراسلك في رمضان كل يوم ..عشان نستغل رمضان راح اراسلك كل
جمعه اطمن عليك ..زعلت وقالت وانا اروح لمين؟
المهم خلتني اراسلها في رمضان
****

قالت لي بتسافر في 19 رمضان لتشيك عشان تسوي علاج طبيعي لضمور رجولها اليسرى
وكانت تضاعف رسايلها(قبل السفر)
*** رحت عمره في رمضان ودعيتلها
وانا كنت قدام بيت الله الحرام
حسيت اني فقت من اشياء كثيره فكرت في حالي مع مها
اقسم بالله بكيت بدون شعور وانا اطوف بالكعبه قلت
ياااااارب انا عطيت هذي الانسانه كل شي وما ادري مين تكون يارب انت تعلم من هي
وانا لااعلم وانت علام الغيب))) والله دعيت من قلبي
تدروا ايش فجر هذا الدعاء وحسيت ان مها
لغز وانسانه غامضه؟
لاني سالت مها عن اسم المستشفى اللي تراجع فيه واخذت الرقم من السنترال
ودقيت على المستشفى بدون ماتدري
وسالت عن المريضه مها الناصر وعن مواعيدها
طبعا عندي اسمها كامل
رد عليا الموظف بكلمه وحده
(((( ما عندنا أي مريضه بهذا الاسم)))
قلت الا هي تتعالج عندكم وعندها عملية شد اسياخ في شهر 11
قال والله يا اختي ماعندنا احد مسجل بهذا الاسم
****
[ندعوك للتسجيل في المنتدى أو التعريف بنفسك لمعاينة هذا الرابط]
بعد العمره والله بس 4 ايام بس
طلبتها تصورلي غرفتها وجلست تصور التسريحه وترسل وتصور مشايتها وترسل(لما كانت ترسل صور بيتهم
ماتصور نفسها مع اغراضها واذا ارسلت صور لها بس ترسل وجهها وتقص من تحت فمها تقول (عشان ماتشوفي
الصمام في حلقي شكله مقزز واخاف تكرهيني)
وانا اتفرج على صورة مشايتها كانت من حديد (تعرفوا الحديد يعكس الصوره اقصد زي المرايا تبان صورتك فيه)
لاحظت صورتها معكوسه في المشايا بس كن ملامح شخص بس ماهي واضحه كبرت الصوره وسويت تباين
(((((((((((حسبي الله ونعم الكيل
مها رجاااااااااااااااااااااااااااااااااااااااااااااااا اااااااااال
اقسم بالله طلعت صورة شخص لابس ثوب وملامحو مو واضحه
كان معاه لحيه وكل ماسويت تباين وغمقت الصوره تبان اللحيه اكثر))
لا تسالوا عن حالي
قمت ارسلت رساله قلت
انت مين او انتي مين؟
ليش لما اطلبك اكلم امك او زوجة اخوك ترفضي؟
ليش لما دقيت على المستشفى اسالهم عنك يقولوا مافي احد عندهم مسجل بهذا الاسم
وارسلت صورة المشايا وصورتو الي انعكست بعد القص والتعديل قلت انت رجال وهذي صورتك انعكست
في المشايا قال ايش هذي الصوره؟ اظنها صورة ذيل حصان؟
والله انك لطفيه جدا ياصابرين وبالمناسبه انا مااحرص على صحبة وحده مضطربه مثلك انا متواصله مع غدا
اجمل والمنصفه والكنتروله عبوقه روحي اساليهم عني عشان تعرفي انك استعجلتي في اتهامك
واحب اقولك لوكنت استغلاليه كان نزلت انشوده من انشوداتك على صورك وارسلتها على جوال
اخوك(المطوع) لاتخافين ما راح اسويها
انتي مسكينه يا صابرين انا بعبع ما اصلح لك خلاص؟

لاعاد ترسلين
والله انك مسكينه
*****
[ندعوك للتسجيل في المنتدى أو التعريف بنفسك لمعاينة هذا الرابط]
صدمه نفسيه بكا بهستيريا
ابدا ماخطر في بالي
لا مو معقوله مها رجال؟
وريت الصوره اخواتي كثير منهم يقول لي
ابدا مو واضحه
صح عاكسه المشايا شي
بس ابدا مو واضح
بعد يومين ارسلت مها رسالة وسايط
قالت لو في فرصه اعبر عن شعوري باقول
عتبانه ومشتاقه وبافقدك
ماهمني تصدقني في شي بعد تكذيبك لي
(( واجر رجلي كاني
شيخ احدب) >مو فاكره الشعر بس هذا معناه
وقالت ادعيلي اختي انا احتاج دعائك
وكتبت كل الايات عن الدعاء
[ندعوك للتسجيل في المنتدى أو التعريف بنفسك لمعاينة هذا الرابط]
... طبعا ما رديت عليها
صار تفكيري مشتت
وباتجنن تفكير
ماادري فعلا ظلمتها والشيطان خلى هذي الصوره تظهر ليا خصوصا ان اخواتي يقولوا مو
واضحه تعبت نفسيا كنت ادعي ان الله يوضحلي اكثر
فكرت و وصلت لهذا الحل
بعد3 او 4 اشهر
اشتريت شريحه وارسلت على رقم مها شعر عن الشوق وقلت بعدو هذا الكلام
(حبيبي مشتاقه لك هذا جوال بنت خالتي ما اقدرت اصبر) أحبك بجنون
قام دق عليا
ارسلت : مو الحين حبيبي بعد 2 الاهل كلهم مجتمعين عندي
ارسل 4 رسايل كلها كلام حب وقلة حيا

(((لحد ذلحين لسا ما تأكدت مها مين تكون)))
ارسلت وقلت آسفين غلطانا بالرقم
ارسل ممكن نتراسل شوي؟
قلت عندك وسايط حلوه؟
قال وقسم عندي وسايط ساخنه بس اخاف تزعلين منها
قلت ارسل اشوف
قال ايش اسمك عشان اكتبو على الوسايط؟
قلت شهد
تدرون ايش ارسل؟
والله ارسل صورة ناس عراه
ومقاطع فيديو بفضل ال