موضوع: هذي نتيجة الزواج بالسر الخميس مارس 17, 2011 8:25 pm
هذي قصة شفتها ببعض المنتديات وعجبتني فحبيت انقلها لكم وتستمتعون فيها ......أليكم القصة
اسمه ماجد , انسان رزين , عاقل , متعلم , ملتزم , وطيب كثير , وفي اخر الاربعين من عمرة تزوج قبل 15 سنه زوجه والنعم فيها .. متعلمه كمان , من مستوى معيشي راقي , اديبه وكلها حكمه , راعيه بيت والكل يشهدلها , اجتماعيه والاهم قايمه بزوجها ولا مخليته يتمنى شي .. تعالي لما يجي يوصفها زوجها .. ماشاء الله تقولين يوصف ملاك مو ادميه .. يقولعنها دايم هذي ام العقل كله ثقيله وكلامها درر ومسعدتني لدرجه مخليتني على قولت القايل ( يادهينه لا تنكتين ) من جد اخلاق بس عيبها .. بان صارت ما تخلف وعلى كذا ماخلا ولابقا زوجها مكان الا ووداها يعالجها .. من الامارات لعمان للاردن لمصر لامريكا بس قدره رب العالمين.. بعد 15 سنه وبعد ما ياست كانت تقوله تزوج .. مع هذا كان يقول : والله ما اكدر خاطرها واضايقها وهي الي عمرها ما زعلتني ولا ضايقتني مرة مرتين عشرة عجزت فيه .. لحد مرة صار موقف مع حدا اصحابه وشار عليه بمشورة .. الزواج بالسر
وقال بان يعرف ناس ممكن يتفهمون غلاتك لزوجتك ويوافقون عليك لانهم يشرون رجال وخصوصا ان مايعيبك شي!! فكر وتوكل وبالفعل تزوج ؟؟ ماشاء الله الضاهر ربي راضي على هالرجال رزقه بادميه ونعم الاخلاق .. حبوبه , حوك , مزوح , فرفوشيه , وراعيه بيت , يقول من ادخل لين اطاع وانا اضحك عيشتني سنها ولا حسستني بالفرق وخصوصا انها ام ال17 سنه يعني الي مو في الاولى فيها والي مو فيها فالاولى وبعد شهرين حملت دانه ( هذا كان اسمها ) وجاء الوقت الي لازم يقول لصيته ( هذا كان اسم الاولى ) لا تسالون ليه؟ يقول لازم تشاركني فرحتي لاني عمري ما خبيت عليها شي الا زواجي وبالفعل اليوم راحلها دخل البيت بخطوات ثقيله مترددة .. ناداها وكالعاده بوجه مبتسم وترحيب جت صيته سلمت عليه وسالته سم يانظر عيني بغيت شي .. يقول انا معتاد على كلامها بس هالمرة حسيته عورني لاني اباقولها شي يضايقها .. قلها اقعدي .. قعدت على الكنبه .. ونزل عند رجولهاومسك ايدينها وباسها كانت عيونها تلمع وصارت نظرتها حايرة وخايفه وش بيقول .. وقلها : انت تعرفين وش قد انا احبك ووش قد انا ماودي اضايقك ولا اكدرخاطرك بس حياتي انا سويت شي .. قاطعته وقالت ادري ناظرها باندهاااش ؟؟ قالت تزوجت والله كنت حاسه بس استغربت بانك من تزوجت عمرك ماتاخرت عني ولا غبت عن البيت ولا قلت باسافر مثلا زي المسلسلات ولا تغير فيك ولا شي بس حسيت .. صح
خرت دمعته ! ومسحتها وقالت: ماعاش من بكاك مبروك حبيبي مبروك قالها .. حملت شهقت وهنا بكت وبكا يقول عمري ما سمعتها من تزوجتها تبكيه ما ادري؟ فرحانه لي ولا مقهوره بانها مو هي او لان اخيرا بيصير عندنا بيبي ضمتني وخليتها لما هدت وقلت لها : والله لو مايهمني فرحك وابيك تشاركيني شهور حملها ونشوفه وهو يكبر ببطنها ما قلت لك هزت راسها موافقه وعلى شفايفها ابتسامه وسالتني؟ انشاءالله انها من ناس والنعم فيهم قلت اي والله ينقال لهم الفلاني ناظرت فيني قالت وش اسمها قلت .. دانه قالت: دانه ايش استغربت لهفتها ورديت : دانه بنت .. .. .. الفلاني
صرخت وقالت لا لا الله يخليك قول غير كذا.. خفت وقلت ليه وش فيها مو مضبوطين .. وبالفعل يقول هذا الي جاء على بالي انها تعرف عن هالناس شي مو كويس اخلاقيا الا انها قتلتني بالجواااااب قالت ماجد ليه هذي وش معنا هذي ليتك قلت لي ليتك وصارت تبكي وتلطم مسكتها وحاولت افهم قوليلي ليه وش تعرفين قالتلي والله اني حسيت لماسمعت الي قالته ان قلبي بيوقف قال: تصير اختي اختي اختي ياماااااجد
صرت من حظي ما نقيت الا اخت زوجتي .. وضحك وهو يبكي جلس على ركبه يفكر ويستوعب لكن بالفعل دانه اخت صيته رضاعه وكثير يعرفون بكذا ندم انه ما قالها لكن ما ينفع الندم لان لازم يضحي بحداهن لان ماينفع يجمع اختين على ذمته ..
يقول لو قلت عشيرت ال15 سنه والي عمرها كله معي ماخلتني اتمنى شي ولاصار عندي ولا ام ضناي الي لوصارماشفته وهو يكبر قدام عيني .. وحرام علي لو باخذه منها هي كمان مالها ذنب
طبعا هو في حاله يرثى لها اعتزل الناس وصار في كل مجلس يحكي يبي حل لمشكلته وعلشان لما يختار يكون مقتنع لانه ماقدر ياخذ القرار لحاله يطلق مين؟
فانا اليوم قلت اكتب قصته واسمع رايكم كمان انتوا والسبب .. يطلق صيته الي ماعمرها قصرت في حقه ويخسرها عمر عدا علشان ضناه الي مابعد شاف النور ولا دانه الفتاة الي كلها حلم وبيكسرها في بدايه حياتها وبيخليها مسؤله عن تربيه طفل ولحالها وبتدفع ثمن تفهمها لظروفه وموافقتها تتزوجه بالسر.
الخميس مارس 17, 2011 8:25 pm
