وصفات لجمال وشك وجسمك علشان تكونى منورة يوم فرحك

اول وصفة
حمام البخار لبشرة الوجه[ندعوك للتسجيل في المنتدى أو التعريف بنفسك لمعاينة هذا الرابط]
حمام البخار من الحمامات المعروفة جداً لبشرة الوجه، وفايدته إنه بيساعد على تنشيط الدورة الدموية في البشرة، وبيفتّح المسام وبكده تقدري إنك تتخلصي من أكبر قدر ممكن من الإفرازات الدهنية والرءوس السوداء اللي ممكن إنها تكون موجودة على وجهك..
وكل اللي هتحتاجي له:
1- شيح "من عند العطار".
2- مياه.
3- فوطة كبيرة.
الخطوات:
1- سيبي الشيح يغلي في حلة متوسطة الحجم.
2- بعد ما تتأكدي إن المياه وصلت لمرحلة الغليان حطي الفوطة على رأسك وافرديها كويس وشيلي "الحَلّة" من على النار علشان ماتكونش سخنة اوى وتأذى وشك وقربي وجهك من "الحلة" علشان وجهك يلاقي البخار اللي طالع من "الحلة".
3- سيبي البخار يتسرب لبشرتك لمدة 10 دقائق، ولو حسيتِ إن بشرتك تعبت من البخار ممكن إنك تريحي شوية وبعد كده ترجعي تاني تكملي.
4- بعد مرور الـ10 دقائق امسحي بشرتك بإسفنجة ناعمة مبلولة بميّه ساقعة .

الوصفة التانية جميلة بس صعبة فى الشتاء[ندعوك للتسجيل في المنتدى أو التعريف بنفسك لمعاينة هذا الرابط]
حمام الثلج لبشرة الوجه
لو كنتِ بتعاني من وجود سواد جامد جدا في المنطقة اللي تحت العين يبقى عليكِ وعلى حمام التلج، وعلى فكرة حمام التلج منعش جداً للبشرة.
كل اللي هتحتاجي إليه:
قطعة تلج متوسطة الحجم.
الطريقة:
دي مفيش أبسط منها كل اللي هتعمليه إنك تمسكي بقطعة التلج وتمرريها على وجهك في حركات دائرية سريعة، طبعاً في البداية هتحسي إنك مش طايقة قطعة التلج بس بعد شوية هتلاقي نفسك مستمتعة جداً، استمري لغاية ما التلجة تدوب وأول ما تخلصي هتلاقي وشك بقى لونه وردي وهتحسي إنه منتعش جداً

الوصفة دى بقي علشان الجسم وهى معروفة بس دى طريقة سهلة وجميلة[ندعوك للتسجيل في المنتدى أو التعريف بنفسك لمعاينة هذا الرابط]
الحمام المغربي
ده أول حمام مفروض إن العروسة تعمله قبل فرحها بيوم على الأقل، وفايدته إنه بيزيل الخلايا الميتة من الجسم، وبيفتّح مسام البشرة وبالتالي بيساعدها على التخلص من الحبوب والدهون، وبكده تلاقي بشرتك في منتهى النعومة والرقة.. بس أهم حاجة لازم تاخدي بالك منها هي إنك قبل الحمام ده تكوني أكلتِ كويس جداً؛ وده لأن الجسم بيفقد سوائل كتيرة؛ بسبب البخار والحرارة العالية وبكده ممكن تصابي بالهبوط، ولو حسيتِ في أي لحظة إنك دايخة أو مخنوقة يبقى روحي بسرعة وافتحي أي منفذ هوا.
وكل اللي هتحتاجي إليه:
1- ماء ساخن جداً.(بس طبعا ميأذيش جسمك من سخونته )
2- ليفة مغربي خشنة "هتلاقيها في الصيدليات الكبيرة".
3- صابونة مغربي "هتلاقيها في الصيدليات الكبيرة"..
الطريقة:
1- اقفلي أي منفذ للهواء في الحمام "الشباك والباب".
2- جيبي طبق وامليه ميه سخنة جداً وحطي فيه اللوفة المغربي.
3- افتحي الميه السخنة في البانيو على الآخر لغاية ما يبقى فيه بخار جامد في الحمام، وبعدين سدي البانيو واملي نصه من الميه السخنة.
4- اقعدي في البانيو لمدة نص ساعة علشان جسمك يتعرض لأكبر قدر من البخار.
5- هاتي الصابون المغربي وابدئي في فركه بالراحة على جسمك، وده علشان بشرتك ما يحصلش لها التهاب واوعي تجيبي الصابون على عينيكِ.
6- سيبي الصابون على جسمك لمدة 10 دقائق.
7- اشطفي جسمك بالميه السخنة وبعدين حطي كمية تانية من الصابون بنفس الطريقة السابقة وسيبيه برضه لمدة 10 دقائق.
8- ممكن تستفيدي بالفترة دي في تنظيف الكعبين بالحجر الخاص بالقدمين "هتلاقيه عند العطار".
9- بعد مرور 10 دقائق اشطفي جسمك من الصابون بالميه السخنة.
10- امسكي اللوفة المغربي وابدئي في دعك جسمك ماعدا منطقة الوجه بشكل دائري، أثناء دعك جسمك هتلاقي إن الخلايا الميتة في الجسم بتتشال وبتقع على الأرض بمنتهى السهولة.
11- اشطفي جسمك كويس بالميه السخنة، واوعي تسمعي كلام أي حد يقول لك إنك تستخدمي عطور أو أي مستحضرات تجميل أو كريمات في الحمام المغربي؛ لأن كل الحاجات دي فيها مواد كيميائية ممكن إنها تضر بشرتك.
12- ممكن إنك تعملي سويت لجسمك بعد ما تخلصي الحمام المغربي.
ودلوقت المفاجأه دى طريقة تعطرى بيها جسمك ودى جميلة جدا
اسمها الدلكة السودانى [ندعوك للتسجيل في المنتدى أو التعريف بنفسك لمعاينة هذا الرابط]
- الدلكة السوداني "هتلاقيها عند العطار" وابدئي في فرك جسمك كله بيها، والدلكة دي عبارة عن عجينة من مكونات عطرية وأعشاب وأخشاب ثمينة، كخشب الصندل وبعض أنواع الفواكه مثل مهروس قشر البرتقال أو الليمون، بالإضافة إلى مسحوق الذرة والترمس، تُمزج هذه المكوّنات مع زيت السمسم أو زيت الزيتون؛ للحصول على عجينة شبيهة بالصلصال يغطى بها كل الجسم، وعلى فكرة الدلكة دي مهمة جداً؛ لأنها بتكسب الجسم لمعان ولون وردي.[ندعوك للتسجيل في المنتدى أو التعريف بنفسك لمعاينة هذا الرابط]
14- سيبي الدلكة على جسمك لمدة ربع ساعة وبعد كده اشطفي جسمك بالماء الفاتر المضاف إليه ماء الورد.
وبكده تكوني حققتي كل اللي نِفسك فيه، وكمان وفرتي فلوسك..وألف
مبروك
وده طبعا كله منقول عن خبيرة تجميل مستنية ردودكم .
تحياتى

وصفات لجمال وشك وجسمك علشان تكونى منورة يوم فرحك 846456

وصفات لجمال وشك وجسمك علشان تكونى منورة يوم فرحك 755376

وصفات لجمال وشك وجسمك علشان تكونى منورة يوم فرحك 192725

وصفات لجمال وشك وجسمك علشان تكونى منورة يوم فرحك 559689

» وصفات من الطبيعة لشعر حواء
» وصفات تفتيح و تبييض بشرة اليدين
» أقوى 8 وصفات طبيعية لتبيض البشرة وتفتيح الركب والأكواع
» وصفات عجيبة للتخسيس
» وصفات مغربية لتبييض البشره