عندما لايبقى اثر للكرهـ في القلوب..روايتي الأولى ^_^
3 مشترك
كاتب الموضوع
رسالة
غاده
ADMIN
وسام المشاركات :
الهوايه :
المهنه :
البلد :
المزاج :
الجنس : نقاط : 29181 الابراج : تاريخ الميلاد : 09/02/1980 العمر : 44
بطاقة الشخصية :
:
:
موضوع: عندما لايبقى اثر للكرهـ في القلوب..روايتي الأولى ^_^ الأربعاء يونيو 01, 2011 12:39 am
رواية (عندما لا يبقى آثر للكره في القلوب)
عندما تعصف الأحاسيس و المشاعر في كياننا رغم عنا..عندما نرى أشخاص وتضطرب المشاعر وتتلخبط الأحاسيس عندنا.. ونحس وكأننا نراهم للمرة الأولى رغم أننا رأيناهم عدة مرات..عندما تتعلق الأعين ببعضها وتفضح كل مشاعرنا وأحاسيسنا..عندما نكون قريبين منهم نحس بمشاعر غريبة تجتاحنا..نعم انه الـحـــ الطاهـــــــر ـــــب الذي لا يشوهه الكره وحب التملك..الحب المضحي لأجل البقاء والعيش..من أجل اللذين نحبهم. روايتي تتحدث عن حب شخصين عصفت بهما الدنيا بالمشاكل لكن حبهما لبعض أقوى من كل شي لكن لن أركز عليهما كثيرا أريدكم ان تكتشفوهما بأنفسكم
والأن فلنبدأ الـــبــــــدايــــــــة تعـــــــريف بالعــــــــوائل عائــ أبو خالد ـــلة ابو خالد:سلمان ام خالد:فاطمة خالد:22 سارا:19 عائــ أبو فهد ـــلة ابو فهد:بدر ام فهد:سلوى فهد:26 خاطب نورة بنت محسن ياسر:24 منى:20 سهى:18 ناصر:16 سعاد:13 عائــ ابو سلطان ـــلة ابو سلطان:سليمان ام سلطان:العنود سلطان:23 طارق:20 فيصل:18 نهى:17 عائــ ابوعبدالعزيز ـــلة ابو عبد العزيز:صلاح ام عبد العزيز:نجوى عبد العزيز:25 مروان:18 ليلى:17 رامي:16 سلمى:13 عائــ ابو عبد الرحمن ـــلة ابو عبد الرحمن:عبد الله ام عبد الرحمن:عبير عبد الرحمن:20 عائــ ابو سالم ـــلة ابو سالم:حمد ام سالم:ثريا سالم:21 شوق:20 ندى:17 سعد:16 ياسمين:13 عائــ ابو محمد ـــلة ابو محمد:محسن ام محمد:حمده محمد:23 نورة:22 مخطوبة لـ فهد ولد بدر خلود:17 نجلاء:15 سعود:3 ورح تتعرفون عليهم أكثر إنشاء الله
***البـــــــ الأول ـــــــارت ***
ام خالد:سارا قومي بس عاد مخليتي شي الا وأنتي قارتيه سارا:يمه تكفين بس هاذي الرواية بشوف البطل وش صار عليه ام خالد:سوير قومي لأعلم ابوك الحين..وأنت تعرفين ابوك زين وش يسوي سارا:كل شي الا أبوي الحين يفصل النت ومعاد اشوفه الا الشهر الجاي ام خالد:سارا بتقومين والا أروح اعلم عليك..قاعده تهذرين تحسبيني مادري انك تبيني تضيعين الوقت سارا: يايمه انت دايما كاشفتني ام خالد:امك وأعرفك زين..وياله عن الحكي الزايد سارا:إنشاء الله قامت و سكرت اللاب توب
{خلونا نتكلم شوي عن سارا 19 أولى جامعة سارا بنت حبوبه وناعمة فيها طفاقة شوي وقيادية لازم تمشي رأيها على الجميع~طويلة ونحيفة وشكلها كيوت مرة~ حنطيه مايله للبياض شعرها مو طويل مرة لونه بني كيرلي عيونها حلوة تتميز بالنظرة الصافية شفايفها صغار وتوتيه}
اليوم الثاني صباحاًًًَََُ
سارا:خالد تكفى ودني الجامعة بسيارتك والله كشخة خالد:عشان تحوسينها بعد ماعترفتي إنها كشخة,أقول بس روحي مع السواق سارا: تكفى خلودي خالد:ترى إذا ماسكتي ماوديك سارا: يعني تبي توديني خالد:ايه..ولا ترى والله لأغير رأيي سارا:طيب خلاص بسكت ابو خالد:بس يعيال وش كبركم تتناقرون سارا حبة تحارش أبوها: يبه هذا مو مناقر هذا يقولون له حوار يعني تفاهم ابو خالد إلي عارف قصد بنته:وأنتي وش شايفتني ماعرف الفرق بين المناقر و الحوار وش قالولك جاهل خالد:هع سارا وهي مميله رأسها بدلع: مدري يمكن ام خالد: سارا عيب مايصلح تقولين لأبوك كذا,,وبعدين انت ياسلمان توك قايل لا تتناقرون تقوم تتناقر مع سارة خالد يبي ينهي النقاش:سارا يالله قومي مشينا سارا:مع السلامة يمه مع السلامة بيه (وحبتهم مع رأسهم) ام خالد: مع السلامة ابو خالد:بحفظ الله ابو خالد:يالله فمان الله أنا طالع توصيني شي ام خالد:لا سلامتك .. الله يحفظك
::عند سارا وخالد::
سارا:خلودي خالد: ينهار القلق من يوم قلتي خلودي وانا عارف ان عندك طلب..قولي طلبك ووش تبين سارا:هب شبيت فيني..بس بمشيها لك..خلودي تكفى أبغى السوبر ماركت خالد:والله مشيتها لي ..امشي وراها سارا:خلودي ..إذا لي معزة عندك خالد:بس بشرط سارا :وشو تفضل خالد:اكتبي إلي تبينه بورقه وأجيبه لك سارا:العن أم المعزة..خلاص مآبي شي هونت..وانسي إني طلبتك خالد بمصخرة:لا بصراحه مقدر انسى الطلب سارا : تتمصخر انت ووجهك خالد: لا والله أنا عارفك إذا نزلتي ماترجعين الا بعد ساعة ساعتين سارا: لا وعد بس خمس دقايق ..وبعدين نسيت ان وراي الجامعة خالد: وعد مو تتأخرين..ترى إذا تأخرتي مارح اوديك مره ثانية سارة: وعد
راحوا عند السوبر ماركت ولقوه لسى مافتح
سارا بقهر:والله قهر بس وش أسوي حظي النحس خالد مبتسم بأستهزاء:والله انك ذكيه وش ذا السوبر ماركت اللي بيفتح لك على الصباح سارا بغيض:بالله عاد تصدق انك اذكى مني لانك انت اللي موديني له خالد:هع وانتي مصدقه اني بخليك تفرفين بالسوبر ماركت على هالصبح ولا ومعاي بعد عشان تفلسيني<<مصطلح سعودي يعني تخلصين فلوسي^_^ سارا بقهر:يعني متعمد الحركه خالد:ايه بشوف مستوى ذكائك خخخ سارا بزعل:بجد انك سخيف خالد:زعلتي سارا:ايوهـ خالد:طقي راسك بالجدار هههه ساره خصرته ولا ردت عليه
ومروا بلوحه بالطريق تعلن عن وصول نوع جديد من الشوكلا قالت سارا بخقه:الله يجنن وقربت وجهها من الشباك خالد:هههه الحمدلله والشكر بجد مهبووله سارا:وش اسوي اذا شفت هالشوكلا اخق خالد بستهزاء: ليش ليكون ادمي وانا مادري سارا بأحراج:اقول اسكت عاد اللي يسمعك يقوول فيه سعوديين حلويين خالد يقصد احراجها:واذا خطبك واحد سعودي بتقولين له مأبيك
سارا:يبطي وماجابته امه اللي يستاهلني وبعدين انا ابي واحد اشقر ووسيم وعيونه خضر وشعره طويل وناعم واهم شي يكون رومنسي خالد: ومنهو هذا ليكون سواقنا كومار ترا انا اول واحد ببارك لك سارا: وععع وش جاب لجاب
خالد:طيب منو هذا ليكون واحد اعرفه عشان اقوله تعال اخطب اختي وفكني منها سارا:وين عايشين خبري ان الرجال هو الي يخطب مو الحريم..وبعدين لايروح بالك بعيد هذا من بنات افكاري خالد:اها طيب فارقي سارا:نعم خالد:فارقي وصلنا
سارا:زييين {خلونا نتكلم شوي عن خالد..واحد فله وكل شي عنده فري وجرييئ بشكل مو طبيعي وسارا تحسه ساعات غريب وغامض يحب اخته سارا ويحب يعاندها ويحارشها عمره22 اخر سنة بالجامعه قسم إدارة اعمال عشان يساعد ابوه بالشركة اذا خلص..طويل وجسمه رياضي مع انه مايلعب رياضة واجد بشرته قمحية عيونه نجدية اصيله يعني كأنه مكحلة ..رموشه معكوفه وحواجبه مرسومة رسم وخشمه سلة سيف} المهم نكمل الرواية ::وصلت سارا للجامعة:: سارا:سلآآآم هند:وعليكم ريم على طول بعدها تكمل الجمله:السلام ورحمة الله وبركاته..كمليها عشان تاخذين اجرها كامل هند:مايحتاج كملتيها بدالي سارا عرفت ان هند عندها مشكلة:هند ايش فيك اليوم منتي طبيعية ريم بطفاقه:اكيد مارح تكون طبيعية اليوم..اول يوم لنا في الجامعه ومانعرف احد هند:ماشاء الله ذكية وش عرفك ريم: انا زيك هند:بس مو واضح شكلك عادية وفرحانه ريم:انا ماخلي للحزن مجال في نفسي احاول اكون ريلاكس ..خليك مثلي وراح ترتاحين هند:طيب بحاول سارا تبي تغيري الموضوع يوم شافت هند تضايقت:الا ماقلتي لي يا ريم أي تخصص نويتي تدخلين ريم:انا بدخل طب ان شاء الله وبتخصص في البصريات نفسي اكون طبيب عيوون..بس انتو ماقلتو لي أي تخصص بتدخلونه سارا:انا وهند راح ندخل إدارة اعمال ريم بروح مرحه:احلى بدكون تصيروا (بزنس ومن) كان ألتولي من شان صير زيكو سارا تضحك على هبال ريم:مو انتي قلتي بتصيرين طبيبة عيون ريم:ايه بس امزح(وناظرت ساعتها)يووه عندي محاضرة سارا:الله يعينك من اول يوم تبدين ريم:عاد شنو اسوي هذا هو الجدول يالا عن اذنكم هند وسارا:اذنك معك وبعد ماراحت ريم تكلمت سارا:هند وش فيك اليوم صاير شي قولي لي هند:والله مادري شنو اقول ولا ايش اخلي كالعاده سارا:ليش وش صاير هالمره هند:___________ ساارا:هند تكلمي ترى انا اختك لاتخبين شي عني قولي لي وش فيك وريحي نفسك وريحي بالك هند وكأنها كانت تستنى بس إشارة عشان تبكي وترتاح:والله مادري وش اقول (وشهقت من البكى)ابوي دايم مسبب لنا مشاكل بالبيت تخيلي الحين يبي يزوجني ولد صاحبه بالغصب وامي رفضت تقول خذ راي البنت وعصب عليها وقام يضربها بعصى المكنسة وجيت ادافع عنها وقام يضربني انا وخواتي ويسبنا ويشتمنا احيانا اتمنى انو مايكون عندي اب من الاساس سارا:تعوذي من الشيطان في ناس يتمنوا انو يكون عندهم اباء وانتي تتمني انو مايكون عندك هند:يليته يكون ميت اريح لي والله تعذبت انا وش ذنبي عشان يصير لي كذا احيانا اقول ودي اتبرا منهم او انحاش من البيت سارا:بس ياهند خلاص لاتقولين كذا عن ابوك مايجوز وبعدين امك وخواتك وش ذنبهم واذا هربت من البيت وين تروحين مالك احد وبعدين اخوك وينه عنكم هند:خلاص بسكت هذا جزاي اني فتحت لك قلبي يوم طلبتي مني لودريت ان كلامك كذا كان ماقلت لك شي وبعدين اخوي خليه يكمل دراسته مانبغى نشغله بمشاكلنا سارا:لا ياهند لاتفهميني غلط انا قلت قولي اللي بقلبك بس مو كذا تدعين على ابوك ادعي له وان شاء الله يتحسن بأذن الله هند:بس لو..,انتي ماعشتي الي انا عشته سارا:ياهند اصبري ان الله مع الصابرين ولاتقولي لو لانها مفتاح لوسوسة الشياطين قامت هند ومسحت دموعها :يالله ياسارا امشي نتعرف على اماكن القاعات انا ضيقت خلقك بمشاكلي سارا:لا يا هند لاتقولي كذا احنا خوات واكثر بعد,وبعدين خلينا نروح للمغاسل اول ونغسل الدمووع من وجهك والهموم من قلبك Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxx في مكان ثاني في الجامعه وبالتحديد عند خالد
خالد:شكلك فرحان اليوم فرحني معاك احمد صديق خالد قال وعيونه تتلألأ من الفرحه:والله فرحان وابغى اطير من الفرح خالد:شكل السالفه سالفه يالله قول واعترف احمد يستهبل:امممممممممم استحي خالد:تصدق كأنك بنت جايينها خطاب اقول خلا الحياء عنك وقول ترا حمستني وتبفرح زيك احمد:خطبت خالد بفرحه:مبررروك مبرروك الف الف مبررروك تصدق لو اعرف ازغرط كان زغرطت احمد:الله يبارك فيك وبأيامك الباقية ليك خالد:تسلم (بشيطنة): ومنهي هاذي تعيسة الحظ اللي تبي تأخذك احمد:اقول ضف وجهك الشرهه مهي عليك الشرهه على الي يقولك الخبر اللي يسوى الدنيا ومافيها خالد طير عيونه:خير يسوى الدنيا ومافيها(ويأشر على نفسه) وانا وين رحت طالق..لالا شكل الاخ غرقان من ورانا احمد:ههههه انت هنا (ويأشر على قلبه) خالد:ههه الله يأخذ بليسك احمد:لا لا تدعي على ابليسي ترا ابيه خالد:ليه ليكون اللي خطبته ابليسك ههههه احمد:ههه ماتضحك..يالله انا بروح عندي محاضرة خالد:الله معاك :السلام عليكم خالد:وعليكم السلام..هلا وغلا عادل وينك يالقاطع حياك حياك تفضل اجلس عادل مبتسم:اهلين فيك اكثر خبرك دراسة ومشاغل دنيا خالد:ياحيا الله من جانا..ياخي ماقمنا نشوفك ليكون غرقان زي احمد عادل بأستهبال ويتصنع الجدية:سلامات عسى ماشر..والله انه طيب ومايستاهل خالد صدقه:هوهو شفيك على الرجال{وقام يضحك}هههههه انت مافهمتني انا قصدي غرقان بالحب وخاطب وتوه يعلمني وانت خليته غريق مره وحده وبعدين ماعندنا بحر في الرياض ولا ناسي عادل:ههههههه الله ياخذ بليسك انا قاعد استهبل عليك وانت صدقتني خال يقلد احمد:لا لا لاتدعي على ابليسي ترا ابيه عادل:ههه ليكون ناوي تخطب مثل احمد وهاوي ابليسك وتدافع عنه خالد:لا بعيد الشر بس قاعد اقلد الاخ احمد من شوي يوم يقولي لا تدعي على ابليسي ترا ابيه عادل بأبتسامه:اها الا انت عارف احمد منو بيخطب خالد:لا مالله ماعرف مين انت تعرف؟؟ عادل بثقة:اكييد لانه خطب اختي خالد: عالبركة وانا اقول وش فيه الاخ فرحان وشوي ويطير اثريه مخطط من وراي عادل:عشان كذا انا جيتك..انا بسألك عنه وعن اخلاقه وابيك تعلمني كل شي عنه ومو لانه صديقك تخبي علي خالد بزعل:لا لا أفا عليك اخبي عليك اصلا كل شي الا ذي المواضيع عادل:مشكور وهذا العشم فيك خالد:والله انه رجال واخلاقه عال العال مو لأنه صديقي وبس لا لأنه اخو دنيا ولو انه تقدم لأختي صدقني والله ما أرفضه عادل:بس هو توه صغير على المسؤلية خالد:وين صغير عمره 23 وغير كذا هو اخر كورس عادل:يعني اقول بسم الله واتوكل على الله خالد: مايبيلها كلام عادل:مشكوور وماقصرت خالد:العفو هذا واجبنا عادل: يالله اجل انا استأذن وراي اشغال كثير خالد:اذنك معك Xxxxxxxxxxxxxxxxxxxxxxxxxxxxxxxxxxxxxxxxxxxxx نهاية الدوام عند سارا
سارا اتصلت على خالد:الو..هلا خالد..يالله متى تجي..ياللا بسرعه ترا والله طقيت من الحر..طيب طيب..يالله مع السلامة هند:هاهـ متى بيجي سارا:يقول خمس دقايق ويكون عند البوابة هند:اها اوكي ياللا باي انا طالعه الحين يجي سارا: بايااات جت ريم عند سااارا: وينكم من اليوم وانا ادور عليكم سارا:يقولون فيه اختراع اسمه جوال وانتي الظاهر ماتعرفينه ريم:طيب طيب لايكثر متى تطلعين سارا: خمس دقايق وطالعه ريم: اها سارا تصدقين ان النذل احمدووه خطب وماعلمني الا اليوم الصباح سارا: والله مبروك ومنهي سعيدة الحظ ريم:والله انا منقهره ما عرفتها للحين سارا:اجل شلون خطب ريم:مدري عنه يقول بنت صديق ابوي سارا بحماس:طيب وش الي عرفه بها ريم:مدري بس شكله هاوي يحبها سارا بنفس الحماس:الله تخيلي يصير نفس الروايات شافها وهي ماتدري او صقع فيها او قاطعتها ريم:هييه انتي وين سافرتي وين حنا عايشين ترانا على ارض الواقع ساارا:طيب وش دراك انه يحبها ريم:عيونه فاضحته كل ماجبنا طاري السالفه تشوفين فيها لمعة غريبة سارا بضحكة:ما شاء الله على طوول ركزتي في عيونه ريم:اجل وش فائدة قسم البصريات دق جوال سارا: هلا خالد خالد:اهلين سارا ياللا اطلعي انا عند البوابة سارا:انت عند البوابة ..طيب انا طالعة خالد:طيب بسرعه لاتتأخرين سارا:زين ان شاء الله ريم:جاء خالد سارا:ايه ريم:اها وحتى انا اتصل علي احمد الحين ويقول انه عند البوابة سارا:ياللا فمان الله اشوفك بكرا ريم:بحفظ الله طلعووا ريم وسارا وكل وحجة ركبت سيارة اخوها
وفي السيارة عند سارا سارا:خالد انت تعرف اللي كان بالسيارة اللي بجنبنا يوم كنا عند البوابة خالد:ايوه ليش تسألين سارا:ريم صديقتي هاذي سيارة اخوها احمد فقلت يمكن تعرفه خالد:ايه احمد هذا صديقي بالجامعة وتصدقين عاد انه خطب امس سارا:ايه ادري تو ريم قالت لي خالد:وتعرفين منهي خطيبته سارا:لا والله حتى ريم ماتعرفها ومنقهره وتقول انها بنت صديق ابوها خالد:اها طيب تعرفين صديقي عادل سارا:يب اخو صديقتي هند خالد:يعني اسم اخته هند سارا:ليه تسأل عنها خالد:ههههه هند واحمد درس في القواعد حق رابع ابتدائي سارا:ليه تضحك علمني عشان اضحك معك وبعدين والله انك مغبر فاضي تتذكر لي رابع ابتدائي لا وبعد مادة القواعد خالد:وليش هذا شي ينسي يوم كنت في رابع ابتدائي وفي حصة استاذ القواعد ماحليت الواجب وسأني الاستاذ حليت الواجب وقلتله ايه ويوم فتح الكتاب وشافني ماحليت شد لي اذني لين صارت حمراء وبغى يقطعها لي سارا:هع هع هع تستاهل مين قالك تكذب خالد:اتوقع انه درس منه عشان ما أكذب من بعدها ساارا: وعاد نفع معاك ولا لا خالد:خخخخ لا انا حالة ميؤس منها في الثانوي رجعت اكذب سارا:خخخ زين انفعت معاك سنوات خالد:هع سارا:اقول شكلك تضيع السالفة خالد:ليش سارا: ماقلت لي ليش تضحك خالدد:اها ههه هند هاذي هي اللي خطبها احمد سارا:قل والله احلف ماني مصدقه انت متأكد خالد:والله
سارا:واااااااو خالد:وش فيك ساارا: لا ولا شي خالد:طيب وصلنا سارا(تفكر في هند وكيف راح تتلقى الخبر) خالد:هيييه ياست وصلنا شكل الجلسة حلت لك بالسيارة سارا:هلا طيب طيب نزلنا ونـــــزلــــــــــوا
داخل البيت
سارا وخالد:السلام عليكم
ام خالد:وعليكم السلام و الرحمة
سارا:وين ابوي
ام خالد: فوق بالمكتب
خالد:ليه عنده شغل لانه مو من عوايد ابوي دايم يقعد معنا
ام خالد:مادي اليوم شكله ضايق ويوم اسأله يقول بعدين بعدين
سارا:يمكن عنده شغل
ام خالد:مادري عنه بس قلبي مو مطمني
خالد:ارتاحي يمه انا بروح له واشوف وش عنده
ابوخالد من فوق الدرج:لاتجي هذا انا نزلت بس كان عندي شغل وخلصته
ام خالد:ابوخالد ترا دق اخوك ابوفهد من شوي يقول ان العشاء عنده الليلة بالمزرعه
ابو خالد: خير ان شاء الله وانتو ياعيال اذا تغديتو خوذو لكم غفوة واذا قمتو جهزوا
سارا: الحمدلله بابا ماني جوعانه وراحت
خالد:اي والله حتى انا بس ابغى انام
بعد الغداء قال ابو خالد لام خالد:يالله يافاطمة روحي جهزي
ام خالد: ان شاء الله عن اذنك
ابو خالدك اذنك معك
قامت سارا العصر وجهزت ودقت على البنات علشان مخططاتهم للطلعة>>مجرمين مو بأوادم هع
وفي المزرعه
سارا:بنات طفشانه حدي ودي اسوي شي فيه اكشن ورعب واهم شي يكون فيه مغامرة
منى بنت عمها:لا ياشيخة ليكون عايشين في شيكاغو واحنا ماندري
ليلى بنت عمهم:طيب انتو تتهاوشون مالقيتو الحل عشان نستانس
نورة بنت عمهم:طيب انتي ياسارا يوم تكلمينا من شوي وتخططين معنا ماخطر على بالك اي فكرة
سارا: الا والله صح ذكرتيني الله يذكرك بالشهادة
خلود اخت نورة:ههههه توها تتذكر ومن اليوم صاجتنا ياللا نورينا ياستي
سارا ناظرتها وهي رافعه حاجب وبعدين قالت :قربو قربو
البنات قربـــوا
سارا: لا خلاص بعدو بعدو
سعاد: يووه عاد صرنا لعبة عندك تذلينا على الأيديا اللي عندك
سارا:لاخلاص بقولكم قربوا
والبنات نفس الشي قربو
ساراك انـــــا
البنات متحمسات :هممه
سارا: لقيت
خلود:تكلمي زين قاعد تكلميننا بالقطارة انتي
سارا: انا لقيت خطة اسمعوا زين وقربوا اكثر وركزوا
البنات قربوا وركزوا حيل لدرجة ان اذانهم راح تنفجر من شدة الانتباه والتركيز
سارا صرخت:بوووووووووووووو
وما درو الا ونجلاء ناطة وتركض بعيد عنهمىثم استوعبت ورجعت عندهم وهي تهزء سارا:الله يأخذك ان شاء الله طيرتي قلبي وخرعتيني الله يطير قلبك ويخرعك ان شاء الله قولي امين
نجلاء:ايه وش عليكم بس تضحكون ماوراكم شي يجي لكم يوم ان شاء الله واقعد انا اضحك عليكم
سارا:ههههههه عاد الحين بقولكم الخطة تتذكرون سيارة عمي اللي دايم بالمزرعة
منى:اها تذكرتها وش فيها
ليلى:هي ددسن صح
سارا: عليك نوور
سهى:ليش وش تبينا نسوي فيها
سارا:جبت معاي اللابتوب وحملة في كل اللي يحبه قلبكم
سعاد: به اغاني فيني زيران ودي اطلعها
نورة: اجل وش ننتظر ياللا قوموا
وقاموا كلهم
سارا: بنات جبتو القطة (اللي هي الجمعه-الخشرية )
البنات: ايوووا اكيد
سارا: اذاً فهلمو بنا نسير
طبعاً كانت الددسن باخر المزرعة والبنات وهم يمشون قال نجلاء: بنات والله اني خايفة
منى: من ايش خايفة
نجلاء: اخاف من اعوذ بالله من الشيطان الرجيم
سعاد: اقول اسكتي عاد انتي دوومك خوافة
سلمى خافت:بنات اخاف يطلعوون لنا صدق
خلود: شف جتنا الخوافة الثانية
سلمى: وش اسوي ذكرتني فيهم نجلاء
سارا: بنات خلاص وش جاكم حنا طلعنا عشان نستانس وانتوا قلبتوها لنا فلم رعب
ليلى: على طاري افلام الرعب تراني شفت فلم رعب خطنطنطنطييير على الـ mbc2 مو زي باقي الافلام رعب خربوطي بالعكس رعب على اصووله
نهى: الا ياسارا حملتي افلام على جهازك؟
سارا: كل سي من الي يحبها قلبك منوع رعب دراما اكشن كوميدي بوليسي حتى حطيت لكم كم فلم هندي
نجلاء: اجل نبي اول شي كوميدي عشان يروح مننا الخوف
سارا: من جدك انتي خايفة انا على بالي انك بتخوفينا ههههه
ووصلوا عند الددسن سهى ونهى وياسمين ونجلاء دخلو داخل الددسن عشان يلعبون اونو وسارا وسعاد وليلى وشوق ومنى وندى ونورة راكبين بالحوض واللي فوق التندة وطبعاً الدرايش كلها مكسرة ولا تخلو القطة اللي معاهم من انواع الشوكلاته والعصيرات والمأكولات والشبسات <<خخخ بشهيكم نذله هع
وسارا تغني مع الاغنية: سواها قلبي ياحبيبي وحبك ماطاعني وانا عن الحب ناهية البنات مع سارا: الظاهر انه مايبي غير قربك عاف الجميع واول الناس راعية سارا:عليه لاوصيك لاصار جنبك صبح عليه بحب وبحب مسية البنات: نبضه وفاء وتضحية كانه يعجبك صافي ولكن مالقى من يصافيه سارا: خلا درب الكل واختار دربك درايه تكفى قد مافيك داريه وابشر بقلباً مايبي غير قربك يموت وغير محبتك ما سكن فيه البنات: ســـواهـــا قلـــــــــبــ (سكووووووت) سارا بعصبية : خير يا سهى طفيتيه وحنا مندمجين ماتشوفين سهى بخوف: سارا الحقي نهى ما أدري وش فيها البنات كلهم لفوا علشان يشوفون وش الي يصير داخل السيارة وشافوا راس نهى بحضن نجلاء و نجلاء خايفة وتحاول تصحيها سارة وهي تنط عندهم: يمه نهى وش فيك وش صار لك سلمى : ياخوفي دخلوها شوق: من الي دخلوها سلمى:اعوذ بالله من الشيطان الرجيم(قصدها الجنون) نقزت نهى من حضن نجلاء وهي تضحك بهيستيريا : ههههههههههههههههههآـآـآـآـآـآـ هههههههههآـآـآـآ ههههههههههـآـآـآـآ سارة بخوف: يماما ..نهى وش جاك نهى قامت وهي تضحك وركبت اعلى السيارة(التندة) وهي لازالت على نفس الضحك وازود بعد
البنات كلهم خافوا ونزلوا من السيارة بسرعه وتجمعوا عند بعض تحت عن مقدمة السيارة (الصدام)
ندى بخوف: يمامي .. نهى وش صار لك انزلي يالله (وبخوف اكبر وهي ترتجف) اطلع يا ابن اللذين منها سهى وهي شوي تنفجر من الضحك على البنات لانهم اكلوا المقلب<<هع ياعني لا تخافوا السالفه كلها خدعه مافي لاجنون ولا شي ^_^ سهى وهي ماسكة نفسها من الضحكـ : نهوي حبيبتي وش صار لك ردي علي
............................................... نطلع شوي من المزرعه عند ريم واحمد
ريم: احمدوه قولي اعترف منهي الي خطبتها بالضبط ومو تكذب علي احمد الي كان يشخص قدام المرايه:اقول انا بطلع ولا تلاحقيني زي البزران خلاص ريم بعناد: مارح اتركك لين تقولي منهي احمد: هند اخت عادل ارتحتي ريم شهقت: هند هند ماغيرها (سكوت) احمد :الحمدالله والشكر على نعمة العقل وطلع من البيت عند خالد الي دق عليه وعزمه ريم: ههههههههه احمد وهند درس قواعد <<ما تلاحظون انها متكررهـ .................................................. ........... ام هند: هاه يابنيتي وش قلتي الرجال شاريك ويبيك هند بعد مافكرت قالت بحياء: موافقة يمه ام هند: الله يفرح قلبك يابنيتي هند قامت من الحياء وام هند راحت عند عادل:ياوليدي اختك موافقة عادل : الحمدلله الرجال شاريها وهو ما ينعاب والكل يمدح فيه ام عادل: الحمد الله
ونرجع للمزرعه ^_^ في اجواء الرعب المسييطرهـ على البنات آآآآآآآآاوووووووووووووووووووووو<<يقالي بخرعكم هع هع
المووووووووووووهيييييييييييييييم نعود ^^
سهى وهي ماسكة نفسها من الضحكـ : نهوي حبيبتي وش صار لك ردي علي
نهى وهي واقفة لمحت شي اسود ويتحرك بأتجاههم وخافت قوة وجات تبي تنزل وهي تزل رجلها وتطيح من فوق السيارة البنات: لاااااا نهى
انتهى البااارت الأول
ياترى ايش اللي شافته نهى ؟؟ وايش راح يصير فيها؟؟ احمد وهند وش راح يصير فيهم؟؟! وآخر الأحداث وش تحمل لنا من المفاجآت ؟؟!!! وعلشاااان تعرفون كل هذا انتظروني في البارت الثاني ولا تنسون ابي توقعاتكم وردودكم.. روايتي في اولها ماتحتاج سوا طلتكم الحلوهـ ومتابعتكم
تحياتي^_^
leena
مديرة المنتدى
وسام المشاركات :
الهوايه :
المهنه :
البلد :
المزاج :
الجنس : نقاط : 2147489165
بطاقة الشخصية : :
:
موضوع: رد: عندما لايبقى اثر للكرهـ في القلوب..روايتي الأولى ^_^ الأربعاء يونيو 01, 2011 4:18 pm
الأربعاء يونيو 01, 2011 12:39 am
